Халық арасында "Үкілі бала" лақап атымен танымал Ерболсын Серікбаев журналист Аман Тасығанға сұхбат беріп, емшілердің 90 пайызын шарлатанға теңеді, деп хабарлайды bairaqmedia.kz.

«Кезінде өзімде адам емдедім, келгенін келгендей қабылдайсың. Кейде саған науқастың қандай хәлде келгені маңызды емес, науқастың саған беретін мүмкіндіктеріне көзің түседі. Ол қазір көп емшілердің басты козыры деуге болады.

Яғни сен науқастың жазылып кетуін емес, науқастан қанша ақша ала аламын деген ниетпен жасайсың. Бірақ сен оны ессіз күйде жасайсың. Сен оның жақсы болып кетуін қалайсың, бірақ ол науқасқа сенің көмегің тимейді, оған қазір міндетті түрде медициналық емдердің қажеттігін түсініп тұрасың, бірақ сен жаңағы адамға емделесің деп айтасың. Ол дегеніміз өтірік. Әрине, соңында нәтиже болмағаннан кейін реніш пайда бола бастайды.

Сондықтан мен айтамын емшілердің 90 пайызы толықтай емшілік қасиетке ие емес. Яғни шарлатан деп айтуға болады. Емшілерді екі нәрсе құртады. Біріншісі арақ, екіншісі ақша», дейді ол.