Densaýlyq saqtaý mınıstri Aqmaral Álnazarova oq tıgen Shymkent qalasy ákiminiń orynbasary Rýslan Berdenovtiń qazirgi jaǵdaıy týraly aıtty.

«Qazirgi jaǵdaıy turaqty dep baǵalanady. Aýrýhanaǵa túsken sátte eki brıgadanyń hırýrgteri 4 saǵat boıy alǵash kómek kórsetip, operasıa jasady. Qazir pasıent ózi turyp, júre alady. Biraq ol áli de dárigerlerdiń baqylaýynda», – dedi mınıstr.

Eske sala ketsek, 21 sáýirde shamamen 20:30-da Shymkent qalasy ákimdiginiń ǵımaraty mańynda qala ákiminiń orynbasary Rýslan Berdenovke oq atylǵanyn habarlaǵan bolatynbyz. Oǵan tórt saǵattan astam ýaqytqa sozylǵan ota jasalyp, naýqastyń jaǵdaıy turaqty aýyr dep baǵalanǵan edi. 

Keıinnen oǵan oq atqan jigittiń ákesi málimdeme jasady. Qylmystyq is eki bap boıynsha tergelip jatyr.