Mańǵystaý oblysyndaǵy oqýshylar jappaı astan ýlanǵan mektep asqanasynyń meńgerýshisi sottaldy. Sot úkimimen Dámetken Shákenova bir jylǵa bas bostandyǵynan aıyryldy dep habarlaıdy bairaqmedia.kz

Jazasyn qylmystyq atqarý júıesiniń qaýipsizdigi barynsha tómen mekemelerge óteý dep belgilensin. Sottalǵan Shákenovaǵa qoldanylǵan bultartpaý sharasy eshqaıda ketpeý jáne tıisti qolhat joıylsyn. Dereý sot zalynan qamaýǵa alynsyn. Jaza óteý merzimi 29 sáýir, 2025 jyldan bastap úkim zańdy úshine engenge deıin kúzetpe ustaýda bolǵan 1 kúni qaýipsizdigi barynsha tómen mekemede jaza óteýge 2 kún esebinen jaza merzimimen qosa eseptelsin, - delingen sot úkiminde.

Sondaı-aq oǵan úsh jylǵa deıin qoǵamdyq tamaqtandyrý salasynda kásippen aınalysýǵa tyıym salyndy. Dámetken Shákenova Munaıly aýdany, Besshoqy aýylyndaǵy mekteptiń asqanasyn tamaqpen qamtamasyz etip kelgen.

Eske salaıyq, byltyr qyrkúıekte Mańǵystaý oblysyndaǵ,y mektepterdiń birinde 500-ge tarta oqýshy jappaı astan ýlanǵan edi. Bastaýysh synyptyń oqýshylary mektep asqanasynan tamaqtanyp, úılerine barǵan soń barlyǵynyń birdeı qyzýlary kóterilip, júrekteri aınyǵan. Ýlanǵan balalardyń ata-analary jedel-járdem kómegine júgingen. Keıin 83 bala juqpaly aýrýlar aýrýhanasyna jatqyzylyp, 2 bala jansaqtaý bóliminen bir-aq shyqqan edi.