Ішкі істер министрінің орынбасары Санжар Әділов Мәжіліс кулуарында сотталған Қуандық Бишімбаев мен Кәрім Мәсімов рақымшылыққа ілігуі мүмкін бе деген сауалға жауап берді.
Вице-министрдің айтуынша, аталған азаматтарға рақымшылық жасауға заң жүзінде мүмкіндік жоқ.
Ол мұндай шектеу Қазақстан Республикасы Қылмыстық кодексінің 78-бабында нақты көрсетілгенін атап өтті.
«Сіздер атаған тұлғаларға қатысты жауап – үзілді-кесілді жоқ», – деді Санжар Әділов.
Осылайша, ІІМ мәліметінше, Қуандық Бишімбаев пен Кәрім Мәсімов рақымшылық актісі аясында мерзімінен бұрын бостандыққа шыға алмайды.
