Olımpıada chempıony Eldos Smetovke shetelde ota jasaldy, dep habarlaıdy bairaqmedia.kz

Dúısenbide Eldos Smetov áleýmettik jelidegi paraqshasynda aýrýhanada túsken sýretin jarıalaǵan edi. Onyń densaýlyǵyna alańdap qalǵan oqyrmandaryna sportshy keıinirek mán-jaıdy túsindirip, jazba jarıalady. 

Sóıtse, Olımpıada chempıony qazir densaýlyǵyna kóńil bólip júr eken.  Italıanyń Rım qalasynda onyń ıyǵyna ota jasalǵan. 

Qurmetti Qazaq eli! Meni ýaıymdam, alańdaýshylyq bildirip jatqandaryńyzǵa rahmet! Italıanyń Rım qalasynda ıyǵyma ota jasatqanym ras. Allaǵa shúkir, bári jaqsy ótti. Ózderińiz burynnan bilesizder, Olımpıadaǵa deıin de ıyǵymnyń jaraqaty, usaq jaraqattarym jıi mazalaıtyn. Qazir densaýlyǵyma tolyq kóńil bólgendi jáne tolyq em qabyldaǵandy jón kórdim. Alla jazsa, 2-3 aıdan keıin jattyǵý, al jarystarǵa - kelesi jyldyń basynda qosylýǵa nıettimin. Karerasyn aıaqtady dep súıinshilegenderge de sálem joldaımyn. Men áli sary nashıvkamen tatamıge shyǵyp kúresetin bolamyn, - dep jazdy Smetov. 

Eske salaıyq, Eldos Smetov Parıj-2024 Olımpıadasynyń altynynan bólek, Rıo-2016-da kúmis, 2020 jyly Tokıoda qola júldeni qanjyǵalaǵan bolatyn.