Semeıde assenızator kóligi áıel adamdy qaǵyp, mert qyldy, dep habarlaıdy Bairaqmedia kz.
Polısıa qyzmetkerleriniń málimetinshe, Morozov kóshesindegi rettelmeıtin jaıaý júrginshiler ótkelinde 35 jastaǵy áıeldi assenızator kóligi qaǵyp ketken.
ZIL kóliginiń 45 jastaǵy júrgizýshisi Shevchenko kóshesine burylǵan kezde joldy kesip ótpek bolǵan áıeldi baıqamaı, qaǵyp ketken. Aýyr jaraqat saldarynan áıel adam oqıǵa ornynda kóz jumdy, - delingen habarlamada.
Qazir Qylmystyq kodekstiń jol júrý erejesin buzý arqyly abaısyzda adam ólimine ákep soqqan baby boıynsha sotqa deıingi tergeý amaldary júrgizilip jatyr.
