Túrkistandyq jýrnalıs Maqsut Aıtjanov ánshi Narkenje Serikbaevany synǵa aldy. Ol kúlli ońtústikke kúıe jaǵyp, málimdeme jasaǵandar jazalaný kerek ekenin aıtty, dep habarlaıdy Skifnews.kz.
Jýrnalıs basshy da, ánshi de ózderiniń taza ekendikterin dáleldeý qajet, olaı bolmaǵanda qyzmetterinen ketý kerek dep sanaıdy.
«Aıaǵy jaman tórdi, aýzy jaman eldi bylǵaıdy» degen. Sonymen Narkenjeniń aýzy jaman ba, joq tórge shyqqandardyń aıaǵy las pa!? Ne bolsada is jyly jabylyp, tór men eldi bylǵaǵandar jazasyz qalmaýy kerek. Sebebi, ánshiniń bir málimdemesinen keıin túgel tústiktiń mádenıetine degen kóptiń kózqarasy tómendemese joǵarylamady. Bir sózben aıtqanda qazaqylyqtyń qaımaǵy buzylmaǵan óńir mádenıetine qara kúıe jaǵyldy»,-dep jazdy jýrnalıs.
Taǵy oqyńyz: «Aldyma otyr, seni ıiskeýim kerek»: Dástúrli ánshi bastyǵynan qysym kórgenin málimdedi
Ánshiniń dálelsiz sózderi áleýmettik jelige jappaı jarıalanyp ketken edi. Tipti mádenıettiń qulaǵyn ustaǵandardy jerden alyp, jerge salǵandarda boldy. Artynsha ánshi “ıiskeıin dedi” dep aıyptaǵan fılarmonıa basshysy da sotqa aryz jazǵanyn aıtyp qarsy úndeý jarıalady.
«Vıdeosynda basshy barlyǵy zań sheńberinde qaralatynyn jetkizdi. Negizinde zańdy turǵydan durys sheshim sol edi. Sebebi, zań bar elde árkimniń oıyna kelgenin aıtyp, bóse berýine bolmaıdy. “Japtym jala, jaqtym kúıe” dep, túgel bir óńirge til tıgizý uıat. Ári qylmys. Sondyqtan árkim aıtqan sózine jaýap berýi kerek. Biraq, bázde olaı emes sıaqty. Árkim aýzyna kelgenin ottap, artynsha túk bolmaǵandaı júre berýine bolatyn sıaqty. Óıtkeni, osy oqıǵanyń bastalǵanyna uzaq ýaqyt ótpeı jatyp qos tarap “kelistik” dep, vıdeo jarıalap, isti jyly japqan syńaı tanytyp tur. Aınalaıyndar-aý, sonda sender kimsińder? Ne “psıh” ne “baqsha jasyndaǵy” bala boldyńdar ma? Meniń bilýimshe ekeýińde zańdy biletin tulǵasyńdar.
Taǵy oqyńyz: Ánshige «ıiskegim keledi» degen Ernazarov Narkenje Serikbaevany sotqa berdi
Sondyqtan ekeýińde aıtqan sózderińe jaýap berý kereksińder. Aldymen ánshi aıtaqanyn dáleldeýi kerek. Eger dáleldeı almasa óziniń ótirik aıtqanyn aıtyp ózi nanyn jep, rahatyn kórgen óńir mádenıetine kir keltirgeni úshin barlyǵynan keshirim suraýy tıis. Odan keıin sotqa aryz túsirgen fılarmonıa basshysy óziniń aq ekenin sot júzinde dáleldeýi kerek. Eger dáleldeı almaı shynymen ánshi aıtqandaı áreket jasaǵan bolsa ol basshylyq qyzmette otyrmaýy kerek. Meniń oıymsha eger bizde zań men basshylardyń adamdyq ary bolsa osylaı jasalýy kerek. Ol keıingilerge sabaq bolady», — dep jazdy Maqsut Aıtjanov.
