Pavlodar oblysynda KamAZ joldyń qarsy betine shyǵyp ketip, jeńil kólikpen soqtyǵysty. Saldarynan eki adam kóz jumyp, bireýi jaraqat aldy, dep habarlaıdy turkystan.kz oblystyq polısıaǵa silteme jasap.
Polısıa qylmystyq is qozǵady. Kúdikti júrgizýshi ýaqytsha qamaý ızolátoryna qamaldy.
Aldyn ala málimetke sáıkes, 12 jeltoqsan kúni "Ekibastuz–Solnechnyı aýyly" avtojolynyń 10-shaqyrymynda tirkemesi bar KamAZ júk kóliginiń júrgizýshi qarsy qozǵalys jolaǵyna shyǵyp, Great Wall avtokóligimen soqtyǵysqan. Odan keıin eki kólik te jol jıegine aýdarylǵan.
"Avtokólikter arnaıy aıypturaqqa qoıyldy. Oqıǵanyń mán-jaıy men sebepteri tergeý barysynda anyqtalady", - deıdi polıseıler.
Polısıa departamenti mundaı oqıǵalardyń aldyn alý úshin jol qozǵalysyna qatysýshylarǵa jol qozǵalysy erejesin, jyldamdyq rejımin qatań saqtap, aýa raıynyń ózgerýin eskerý qajettigin eske saldy.
