Qyzylorda qalasynda kópten beri sheshimin kútken mańyzdy másele - Sabalaq eldimekeni tabıǵı gazǵa qosylýda, dep habarlaıdy bairaqmedia.kz.

Bul jańalyqty Sabalaq turǵyndary asa zor qýanyshpen qabyldap jatyr.
Qala mańynda ornalasqan Sabalaq eldimekeninde halyq sany jyl saıyn artyp, jańa turǵyn úıler men áleýmettik nysandar salynýda jáne sońǵy 3 jyldyń ishinde 5 mlrd. teńge jýyq qarjyǵa aýqymdy ınfraqurylymdyq jobalar júzege asyryldy. 

Onyń ishinde jol, jaryq, aýyz sý jelisi tartylyp, birqatar kóshelerge jaryqtandyrý júrgizildi. Qoǵamdyq kólik qatynasy retteldi. Osy jumystarmen qatar, turǵyndardyń basty suranysy tabıǵı gaz máselesin sheshý bolatyn.  

Aımaq basshysy halyqtyń suranasyn qanaǵattandyrý maqsatynda tıisti salaǵa máseleni jedel sheshý týraly tapsyrma berip, demeýshilik esebinen 53 mln. teńgege joba smetalyq qujattama ázirlendi.

Nátıjesinde, respýblıkalyq jáne oblystyq búdjetten jobany júzege asyrýǵa 3,2 mlrd teńge bólinip, 2024 jyly eldi mekendi gazdandyrý jumystary bastaldy.

Merdiger mekeme «Syrenergogazstroı» JSHS arqyly 3 kezeńnen turatyn joba  aıasynda 100 shaqyrymǵa jýyq gaz qubyry tartylyp,  1 dana gaz retteýish pýnkti men 5 dana shkafty gazdy retteý pýnkti ornatyldy.

Qazirgi tańda paıdalanýshy mekemeler tarapynan tekserý jáne qabyldaý jumystary aıaqtalyp, eldimekenge jetkizýshi gaz qubyry joǵary qysymdy gaz jelisine qosyldy. 

Jyl sońyna deıin barlyq jumystar aıaqtalyp, 1670 abonent kógildir otynǵa qosylýǵa qol jetkizedi.

Aıta ketý kerek, aımaǵymyzda 2021 jyldyń sońynda gazdandyrý deńgeıi 67 paıyz bolatyn. Atqarylǵan aýqymdy jobalaradyń arqasynda 2022-2025 jyldar aralyǵynda 63 mlrd. 600 mln. teńgege 77 joba júzege asyrylyp, bıyl oblysymyzda gazdandyrý kórsetkishi 83 paıyzǵa jetti.