«KEZDESU» baǵdarlamasyna qatysqan Baqyt Turman Móldir Muqannyń fılmine aıtqan syny tóńiregindegi daýǵa toqtalyp, jaǵdaıdyń mán-jaıyn túsindirdi, dep jazady bairaqmedia.kz.

Baǵdarlama barysynda ol ózin synap júrgenderge jaýap qatyp, eshkimge ádeıi tıisýdi maqsat etpegenin atap ótti.

«Birdeńe búldirip qoıǵan joqpyn ǵoı. Uıatsyz, jurt qarǵaıtyndaı jaǵdaı emes. Tek kıno týraly jeke pikirimdi aıttym. Syn aıtylǵannan keıin, ertesi kúni Móldir hanym ózi daırekke jazdy. Tolyqtaı óz qatelikterin moıyndap, túsinistik bildirdi», — dedi Baqyt Turman.

Sonymen qatar, ánshi ár sóziniń jaýapkershiligin ózi kóteretinin aıtyp, eshkimniń ony «qorǵap» nemese onyń ornyna jaýap berýiniń qajet emestigin naqty jetkizdi:

«Men aıtqan sózime ózim jaýap beremin. Eshkim men úshin aqtalyp, jaýap bermeı-aq qoısyn», — dedi ol.