Sherzat Polattyń isi boıynsha sottalǵandardyń basym bóligi sottyń úkimine apelásıalyq shaǵym túsirdi. Bul týraly jábirlenýshi taraptyń advokaty Meıirman Shekeev málimdedi, dep habarlaıdy bairaqmedia.kz
Shekeevtiń aıtýynsha, sot úkimi 21 maýsymda zańdy kúshine engen. Osy kúnnen bastap sottalǵandardyń apelásıaǵa shaǵymdanýǵa 15 kúni bar.
Qazirgi tańda barlyq sottalǵandar men olardyń qorǵaýshylary apelásıalyq shaǵymdaryn tapsyrdy. Tek Belǵojaev pen kámeletke tolmaǵan Ysqaq ázirge shaǵym túsirgen joq, - dedi advokat.
Eske salsaq, maýsymnyń basynda Taldyqorǵan qalasynda Sherzat isi boıynsha toǵyz aıyptalýshyǵa úkim shyǵarylǵan bolatyn.
Oǵan sáıkes, basty aıyptalýshy Abzal Shynasyl 23 jylǵa bas bostandyǵynan aıyryldy. Ravıl Sakıevke 20 jyl, Azamat Toqtaýbaevqa 15 jyl, Nurqıas Ilásovqa 9 jyl túrme jazasy taǵaıyndaldy. Buzaqylyq boıynsha jaýap bergen qalǵan jigitter 7 jyldan jaza arqalady. Al, kámeletke tolmaǵan Dýman Ysqaq 1 jyl 6 aı merzimge sottaldy.
