Qazaqstandyqtar jyl basynan beri zańsyz mıkroqarjy uıymdaryna 71 mlrd teńge artyq tólegen, dep habarlaıdy Bairaqmedia.kz.

Qarjylyq monıtorıń agenttiginiń málimetinshe, zańnama talaptaryn aınalyp ótip, azamattarǵa nesıe usynatyn zańsyz mıkroqarjy uıymdary zańdy nesıeleý túrinde qyzmet kórsetkenimen, shyn máninde qaryz alýshylarǵa túrli qosymsha tólemder men paıyzdardy, saqtandyrý jarnalaryn mindettep júkteıdi. Bul ádister arqyly olar syıaqy mólsherlemesine qatysty zańmen belgilengen shekteýlerdi aınalyp ótedi.

Saldarynan azamattar ózine júktelgen qaryzdy birneshe ese kóp prosentpen tóleýge májbúr bolyp, qarjylyq qıyndyqqa tap bolady.

2025 jyldyń basynan beri Agenttik 5 zańsyz mıkroqarjy uıymynyń qyzmetin toqtatty. Bul uıymdardan 300 myńnan astam azamat zardap shekken, olardyń jalpy artyq tólem somasy 71 mlrd teńgeden asqan, – delingen habarlamada.

Zańdy MQU mıkroqarjy uıymdary «Tekserýsiz» jáne «Barlyǵyna beriledi» degen ýádelermen jumys istemeıtini atap ótildi.