Qazaqstanda 800 myńǵa deıin kıik atýǵa ruqsat etilýi múmkin. Bul týraly Ekologıa mınıstri Erlan Nysanbaev aıtty, dep habarlaıdy Bairaqmedia.kz.

Mınıstrdiń aıtýynsha, kıikterdi atý týraly túpkilikti sheshim aldaǵy kúnderi jarıalanady. Ǵalymdar popýlásıanyń 20%-yn tabıǵattan joıý qajet dep usynyp otyr.

«Biz resmı túrde ǵylymı negizdemeni aldyq. Qazir uıymdastyrýshylyq máselelerdi talqylap jatyrmyz. Bir-eki kún ishinde sheshim qabyldaımyz dep oılaımyn. Ǵylym búkil popýlásıanyń 20%-yn alý kerek dep otyr», – dedi mınıstr.

Ekologıa mınıstrliginiń málimetinshe, Qazaqstanda shamamen 3,9 mıllıon kıik bar. Demek, 800 myńǵa jýyq janýar atýǵa jatýy múmkin.

Sondaı-aq mınıstr mundaı aýqymdy jospardy júzege asyrý úshin et kombınattaryn tartý qajet ekenin aıtty. Bul kásiporyndar ákimdiktermen jáne múddeli kompanıalarmen birlese otyryp qurylmaq.