Ánshi Narkenje Serikbaeva men Shámshi Qaldaıaqov atyndaǵy oblystyq fılarmonıanyń basshysy Ǵalymjan Ernazarov tatýlasty, dep habarlaıdy bairaqmedia.kz.

Taǵy oqyńyz: «Aldyma otyr, seni ıiskeýim kerek»: Dástúrli ánshi bastyǵynan qysym kórgenin málimdedi

Olar áleýmettik jelide úlken rezonans týdyrǵan aralaryndaǵy daýdy toqtatyp, ortaq mámilege kelgen. Bul týraly ánshiniń ózi áleýmettik jelidegi paraqshasynda jazdy.

«Kesheli beri alańdaýshylyq tanytyp, kóńilimdi surap jatqan eldiń esebi joq. Ónerdegi, ómirdegi, saıasat sahnasyndaǵy aǵalar, ápkeler, meniń turaqty, adal tyńdarmandarym bar ekendikterin bildirip jatyr. Rahmet barshańyzǵa! Taǵy aıtamyn men haıp qýalap, atyn shyǵara almaı, búlik shyǵaratyn, bále izdeıtin ánshi emespin. Júregi názik, emosıaǵa beıim áıel zatymyn. Ónerdiń, shyn janashyrymyn. Keshegi másele jetetin jerge jetti, Amandyqta bolaıyq!», - dedi Narkenje Serikbaeva.

Taǵy oqyńyz: Ánshige «ıiskegim keledi» degen Ernazarov Narkenje Serikbaevany sotqa berdi

Fılarmonıa basshysynyń sózinshe, atalǵan másele boıynsha arnaıy komısıa kelip, eki taraptyń aryz-talabyn qarastyrǵan.

«Kesheden beri daý bolǵan másele úshin keshirim suraımyz! Árbir úıdiń máselesi óz ishinde qalýy tıis edi. Jaǵdaı elge tarap ketkennen keıin oblystyq mádenıet basqarmasynan jáne ákimshilikten komısıa keldi. Olar ekeýmizdiń talaptarymyzdy, ótinishterimizdi tolyq qarady. Bir-birimizge qoıatyn másele joq. Jaǵdaıdy ýshyqtyryp kerek emes», - dedi  Ǵ. Ernazarov.