Jetisý oblysynyń qylmystyq ister jónindegi mamandandyrylǵan aýdanaralyq sotynda kisi qolynan qaza tapqan Sherzat Polatqa qatysty sot otyrysy ótip jatyr, dep habarlaıdy Bairaqmedia.kz.

Qarjaýbaı Nurymov bolǵan oqıǵany baıandaý kezinde balasy Sherzat Polat pen baýyry Nurqanat Ǵaıypbaevty emhanaǵa qalaı aparǵanyn jetkizdi.

Ajyratqanǵa, «qoı» degenge eshqaısysy qaraǵan joq. Sherzattyń anasy balasyn qushaqtap, urǵyzbaı jatty. Sóılep otyrǵan balany Nurqıas myltyqpen urdy. Anasynyń jylaýyna, ótinishine qaramady. Balaǵa pyshaq tyqqanyn bilmedim. Balaǵa soqqy tıdi ma dep aldynan qaradym, sóıtsem jaýyrynyna kiripti. Artynan qan aǵyp jatyr eken. Nurqanat ta es-tússiz jatty. Kólikti otaldyryp kelgende ekeýinde de púls boldy. Olardy ózim kólikke saldym. Aýrýhanaǵa apara jatqan kezde kólikti qatty aıdaǵannan balam oryndyqtan qulap ketti. Sodan toqtadym. Sóıtsem jany (Sherzat) shyǵyp ketipti. Púls bolmaı qaldy. Ózim reanımasıa jasadym. Sosyn ári qaraı aýrýhanaǵa jetkizdim, — dedi ol.

Prokýror «Kóliktiń ishinde jan tapsyrdy ma?» dep naqtylaı qoǵan suraǵyna:

Men kólikke salyp jatqan kezde ol jan tapsyryp jatty, agonalnyı sostoıanıede boldy, sońǵy demderi, — dedi Sherzattyń ákesi.

Eske sala ketsek, buǵan deıin Sherzat Polattyń ájesi Jumabıke Qadyrova suraqtarǵa jaýap bergenin habarladyq.  Marqumnyń anasy Gúlbara Bıshembıevadan da jaýap alyndy.