Úndistannyń zymyranmen jasalǵan soqqysynan qaza tapqandar sany 26 adamǵa jetti. Bul týraly Pákistan bıligi málimdedi dep habarlaıdy bairaqmedia.kz
Pákistan bıliginiń málimetinshe, 7 mamyr tańerteńgi jaǵdaı boıynsha úndistandyqtardyń el aýmaǵyna jasaǵan soqqylary saldarynan 26 turǵyn qaza taýyp, 46 adam jaraaqat alǵan.
Zymyranmen jasalǵan soqqy alty azamattyq nysanǵa tıgen, olardyń eshqaısysy áskerı baza emes. Al, Úndistan bul soqqylardyń tek "belgili lańkesterdiń lagerlerine" baǵyttalǵanyn alǵa tartyp otyr.
Pákistan qorǵanys mınıstrliginiń ókili áskerıler Úndistannyń bes joıǵysh ushaǵyn atyp túsirgenin málimdedi. Úndistan bıligi bul aqparatty rastaǵan joq.
