Aqmola oblysynda 30 sáýirde joǵalyp ketken 6 jastaǵy Qalmyrza Jandáýlet óli kúıinde tabyldy, dep habarlaıdy Bairaqmedia.kz.

«Astana eriktileri LIDER.KZ» qoǵamdyq uıymynyń resmı paraqshasynda izdeý jumystarynyń aıaqtalǵany týraly aqparat jarıalanyp, «Óli kúıinde tabyldy» delingen.

Aıta ketsek, 30 sáýirden bastap Qorǵaljyn aýylynda joǵalyp ketken balany izdeý jumystary júrgizilgen edi. İzdeý operasıasyna eriktiler, tótenshe jaǵdaılar qyzmetiniń mamandary men jergilikti turǵyndar qatysqan. Kólder, jaǵa aımaqtary jáne jetýi qıyn jerler muqıat tekserildi.

Belgili bolǵandaı, bala Nura ózenine batyp ketken.

«10 kúnnen astam ýaqyt boıy joǵalyp ketken balany polısıa qyzmetkerleri, tótenshe jaǵdaılar departamentiniń mamandary, eriktiler men beıjaı qaramaǵan azamattar izdedi. Joǵalǵany týraly ótinish túskennen keıin birden qylmystyq is qozǵaldy. Máıit sýdan qulaǵan boljamdy jerden 12 shaqyrym tómende tabyldy», – delingen oblystyq polısıa departamenti baspasóz qyzmetiniń habarlamasynda.

Qazir tergeý amaldary jalǵasyp jatyr.