Almatydan 234 shaqyrym qashyqtyqta jer silkinisi tirkeldi dep habarlaıdy bairaqmedia.kz

Zilzalany 12 mamyrda tańǵy saǵat 06:33-te Tótenshe jaǵdaı mınıstrligi Ulttyq seısmologıalyq baqylaý ǵylymı ortalyǵynyń seısmıkalyq stansıalar jelisi tirkedi.

Jer silkinisiniń epısentri Almaty qalasynan ońtústik-batysqa qaraı 234 shaqyrym jerde, Qyrǵyzstan aýmaǵynda ornalasqan. Tereńdigi – 10 shaqyrym. Jerasty dúmpýiniń energetıkalyq klasy – 10,4. MPV magnıtýdasy – 4,8, – delingen habarlamada.

Jer silkinisi Qazaqstan aýmaǵynda aıtarlyqtaı sezilmegen. Dese de, kórshiles Qyrǵyzstanda jer silkinisi sezilgen. 

Qyrǵyzstan Ulttyq ǵylym akademıasynyń Seısmologıa ınstıtýtynyń málimetinshe, magnıtýdasy 4,3 bolatyn jer silkinisiniń oshaǵy Jany-Talap aýylynan soltústik-batysqa qaraı 9 shaqyrym jerde ornalasqan.

Qyrǵyzstannyń eldi mekenderinde jer silkinisiniń qýaty: Jany-Talap, Aq-Kyıa, Kók-Jar aýyldarynda – 3,5 bal; Kydyraly, Sary-Iımek, Baıchenchek aýyldarynda – 3 bal.