İshki ister mınıstrligi «Zań men Tártip» qaǵıdaty boıynsha esirtki qylmysyna qarsy kúres aıasynda 4  aıda shamamen 3,5 tonna esirtki zattary tárkilendi, dep habarlaıdy Bairaqmedia.kz.

Aqparatqa sáıkes, tórt aıda úsh myńǵa jýyq esirtkige qatysty úsh myńǵa jýyq quqyq buzýshylyǵy anyqtalǵan. Onyń ishinde 828 satý faktisi bar. 

Zańsyz aınalymnan shamamen 3,5 tonna esirtki tárkilendi: 259 keli sıntetıka, eki tonnaǵa jýyq marıhýana, 303 keli gashısh. 83 esirtki zerthanasy joıyldy. Alty tonnaǵa jýyq prekýrsor tárkilendi. 20 uıymdasqan qylmystyq toptyń joly kesildi. Zańsyz kontenti bar 11 myńnan astam saıt, sondaı-aq 1 mlrd teńgeden astam somaǵa 12 myń bank kartasy men shot buǵattaldy. 1783 adam ustaldy, onyń 669-y qamaýǵa alyndy, - dedi İİM esirtki qylmysyna qarsy is-qımyl komıteti tóraǵasynyń mindetin atqarýshy Danıar Meıirhan.

Spıkerdiń sózinshe, sáýirde birqatar sátti operasıa júrgizildi. Qosshy qalasynda Aqmola oblysynyń týmasy ustaldy. Onyń avtokóliginen 6,5 keli a-rvr sıntetıkalyq esirtkisi tárkilendi. Odan keıin júrgizilgen is-sharalar barysynda basqa da kúdiktiler - Soltústik Qazaqstan oblysynyń turǵyndary ustaldy. Olardan taǵy bir keli sıntetıka tárkilendi. Astana qalasynda Aqtóbe turǵyny ustaldy. Odan 2,5 keli sıntetıkalyq esirtki tárkilendi. 

Barlyq kúdikti ýaqytsha ustaý ızolátoryna qamaldy. Bul baǵyttaǵy jumys jalǵasyp jatyr, – dedi Danıar Meıirhan.