Rýslan Berdenov araǵa 3 apta salyp aýrýhanadan shyqty. Ol ózin qutqaryp qalǵan dárigerlerge alǵys bildirdi dep habarlaıdy bairaqmedia.kz
Bir ajaldan aman qalǵan sheneýnik áleýmettik jelidegi paraqshasynda jazba jarıalady.
Meniń basyma túsken aýyr jaǵdaıdan kópshiligińiz habardarsyzdar dep bilemin. Bul oqys oqıǵa maǵan da, meniń otbasym men jaqyndaryma da aýyr tıgeni anyq. Muny sózben aıtyp jetkizý óte qıyn, - dep jazdy Rýslan Berdenov.
Ákim orynbasary aýrýhanadaǵy sýretterimen de bólisken.
Rýslan Berdenov synaqqa toly bolǵan osy ýaqyt aralyǵynda kóptegen adamdardyń, áriptesteriniń, tamyr-tanystarynyń janashyrlyǵyn, qoldaýyn jáne tilektestigin sezingenin aıtty. Munyń bári ákim orynbasarynyń kóńiline demeý bolǵan, ári kúsh-qýat bergen.
Qazir onyń jaǵdaıy jaqsaryp, aýrýhanadan shyǵatyn ýaqyt kelipti.
Mine, 3 aptaǵa sozylǵan aýrýhanadaǵy kúnderim aıaqtalyp, ózim de aıaqtan turyp, kúndelikti tirshiligime oralatyn sát taıap qaldy. Álbette, birinshi Allanyń, sodan soń dárigerlerimizdiń jiti baqylaýynyń, em-domynyń arqasynda densaýlyǵym ońaldy, qalpyna keldi. Osy ýaqyt ishinde men elimizdiń medısınasy kóp ilgerilegenine, sheteldik klınıkalardan esh kem emestigine kóz jetkizdim. Aq halatty abzal jandarymyzdyń meıirimi men kásibıligi de rızashylyǵymyzǵa ábden laıyq, - dep jazdy Berdenov.
Eske salaıyq, 21 sáýirde Shymkent qalasy ákiminiń orynbasaryna qastandyq jasalǵan bolatyn. Sheneýnik ákimdik ǵımaratynan shyǵyp bara jatqanda oǵan myltyqtan oq atylǵan. Berdenov úsh oq jaraqatyn alyp, sol kúni oǵan ota jasaldy. Al, kúdikti qamaýǵa alynyp, osy jaǵdaıǵa baılanysty qylmystyq is qozǵalǵan.
