Aqtóbede jer úılerdiń birinde adamdy bostandyǵynan zańsyz aıyrý jáne eki adamdy óltirý deregi boıynsha qylmystyq is Aqtóbe oblysynyń qylmystyq ister jónindegi mamandandyrylǵan aýdanaralyq sotyna joldandy, dep habarlaıdy Bairaqmedia.kz.

Tergeý barysynda kúdikti óz tanysymen janjaldasyp, keıin úıine zańsyz kirip, onyń anasyn jáne ógeı ákesin óltirgeni, al jábirlenýshini bostandyǵynan zańsyz aıyryp ustaǵany anyqtaldy.
 
«Arlan» arnaıy bólimshesiniń jedel áreketteriniń nátıjesinde jábirlenýshi bosatylyp, kúdikti oqıǵa ornynda ustaldy.
 
Oblys prokýratýrasymen is erekshe baqylaýǵa alynyp, prosestik prokýrorlar toby taǵaıyndaldy.

Kúdiktige QK-tiń 99-babynyń 2-bóliginiń 1,3,5 tarmaqtary (eki nemese odan kóp adamdy óltirý), 126-babynyń 2-bóliginiń 3,4 tarmaqtary (ómiri men densaýlyǵyna qaýipti kúsh qoldaný arqyly zańsyz bostandyǵynan aıyrý) jáne 107-babynyń 1-bóligi (densaýlyqqa qasaqana ortasha aýyrlyqtaǵy zıan keltirý), ıaǵnı eki nemese odan kóp adamdy asa qatygezdikpen óltirý, sondaı-aq kúsh qoldaný arqyly bostandyǵynan zańsyz aıyrý baptary boıynsha aıyp taǵyldy, – delingen habarlamada.

Sotta memlekettik aıyptaýdy prosestik prokýror qoldaıtyn bolady.