Memleket basshysy Qasym-Jomart Toqaev «Aqorda» rezıdensıasynda Qazaqstanǵa resmı saparmen kelgen Abý Dabıdiń Taq murageri sheıh Haled ben Muhammed ben Zaıd Ál Nahaıandy qarsy aldy, dep habarlaıdy Bairaqmedia.kz.
Qasym-Jomart Toqaev pen sheıh Haled ben Muhammed ben Zaıd Ál Nahaıan bir-birine delegasıa múshelerin tanystyrdy. Qurmet qaraýylynyń bastyǵy raport bergen soń Qazaqstan men Birikken Arab Ámirlikteriniń memlekettik ánurandary shyrqaldy.
Aldymen Qasym-Jomart Toqaev pen Haled ben Muhammed ben Zaıd Ál Nahaıan bir-birine resmı delegasıa múshelerin tanystyrdy. Osydan keıin mártebeli meımannyń saparyna oraı Saltanatty rásimder zalynda sap túzegen qurmet qaraýylynyń bastyǵy memleket basshylaryna sálemdik baıanat berdi. Prezıdent orkestri eki eldiń memlekettik Ánuranyn oryndady.
Qazir taraptar arasynda joǵary deńgeıdegi kelissóz júrip jatyr. Kelissózder barysynda Qazaqstan men BAÁ arasyndaǵy strategıalyq seriktestikti nyǵaıtý perspektıvasy talqylanyp, birqatar ekijaqty qujatqa qol qoıylmaq.
Aıta ketsek, buǵan deıin memleket basshysy «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy jel elektr stansıasy jobasyn iske asyrý týraly kelisimdi ratıfıkasıalaý týraly» Qazaqstan Respýblıkasynyń Zańyna qol qoıǵan bolatyn.
