Qazaqtyń bulbul ánshisi Bıbigúl Tólegenova er azamattardy Otan qorǵaýshylar kúnimen quttyqtady dep habarlaıdy bairaqmedia.kz

Qurmetti qazaqstandyqtar! Barshańyzdy Otan qorǵaýshylar kúnimen quttyqtaı otyryp, zor densaýlyq, uzaq ómir, tabys-abyroı, qut-bereke tileımin. Aspanymyz ashyq bolyp, denimiz saý bolyp, ishtegi daý, syrttaǵy jaýdan saqtasyn, - dedi Bıbigúl Tólegenova.

Ǵasyrǵa jýyq jasaǵan kúmis kómeı ánshi otandastarymyzdy Jeńistiń 80 jyldyq merekesimen de quttyqtady. Bıbigúl Tólegenova bul jeńistiń ońaılyqpen kelmegenin, osy jolda talaı jannyń ómiri qıylǵanyn atap ótti. Uly otan soǵysy kezinde qurban bolǵandar eshqashan umytylmaıdy dedi ol.

Sahna sańlaǵy osy maıdannyń kesirinen balalyq shaǵy bolmaǵanyn eske aldy. Sondyqtan, endigi urpaq soǵys týraly tek tarıhtan estip-bilse deıdi. Sóz sońynda ánshi 80 jyldyq beıbitshilik máńgilikke ulassyn dep tiledi.