Taldyqorǵanda órt sóndirýshiler janyp jatqan úıden 7 gaz balonyn alyp shyqty, dep habarlaıdy Bairaqmedia.kz.
Aqparatqa sáıkes, Kóktóbe kóshesinde ornalasqan eki qabatty segiz páterli turǵyn úıdiń shatyry janǵan.
TJM qyzmetkerleri oqıǵa ornyna jedel jetip, órtti tolyqtaı sóndirip, úıden jeti gaz balonyn qaýipsiz jerge alyp shyqty. Órt sóndirý bólimsheleri kelgenge deıin úsh kýáger - polısıa, TJD jáne gaz qyzmetiniń qyzmetkerleri jumystan tys bos ýaqyttarynda órt bolǵan úıden 3 kámeletke tolmaǵan balany qutqardy, – delingen habarlamada.
Aldyn ala janý aýmaǵy – 250 sharshy metr. Turǵyndar ózderi dalaǵa shyqqan.
TJM azamattardy órt qaýipsizdigin saqtaýǵa shaqyrady.
