Батыс Қазақстанда 10 жастағы бала бір күн де бармаған, оқу-жазуды білмейтін және тамағы мен киімін қоқыс үйіндісінен іздеуге мәжбүр болған бала балалар ауылына қамқорлыққа берілді. Бұл туралы Қазақстанның Жоғарғы соты мәлімдеді, деп хабарлады Bairaqmedia.kz.
Жоғарғы соттың мәліметінше, кәмелетке толмағандардың істері жөніндегі комиссияның бастамасымен бала алдымен үш ай мерзімге арнайы әлеуметтік қызметтерге мұқтаж балаларды қолдау орталығына орналастырылған.
Кейін 2026 жылы психологиялық-медициналық-педагогикалық консультацияның қорытындысы және білім басқармасының бұйрығы негізінде ол отбасылық үлгідегі балалар ауылына қамқорлыққа берілді.
Сот дерегіне сәйкес, бала бұған дейін мектепке мүлде бармаған, оқу мен жазуды білмеген. Тамақ пен киімді қоқыс үйіндісінен тауып отырған.
Ал анасы баласы арнайы орталыққа орналастырылған уақыттан бері ұлына бір рет те келмеген және оның тағдырына қызығушылық танытпаған.
Жоғарғы сот таратқан мәліметте бұл жағдай баланың құқықтарын қорғауға байланысты қаралған іс аясында айтылған.
