مەملەكەت باسشىسى شۆەيساريا كونفەدەراسياسىنىڭ پرەزيدەنتى بولىپ سايلانۋىنا وراي گي پارمەلانعا قۇتتىقتاۋ جەدەلحاتىن جولدادى، دەپ حابارلايدى اقوردا.
قۇتتىقتاۋدا گي پارمەلاننىڭ كوشباسشىلىق قاسيەتى مەن ەلىنە قالتقىسىز قىزمەت ەتكەنىنىڭ ارقاسىندا جوعارى سەنىمگە يە بولىپ، وسىناۋ بيىك لاۋازىمعا قايتا سايلانعانى جازىلعان.
مەملەكەت باسشىسى پرەزيدەنتتىڭ جاڭا مەرزىمىندە حالىقارالىق قاتىناستاردا ماڭىزدى ءرول اتقاراتىن شۆەيساريا دامۋدىڭ داڭعىل جولىن جالعاستىرا بەرەتىنىنە سەنىم ءبىلدىردى.
قاسىم-جومارت توقايەۆ گي پارمەلاننىڭ جاۋاپتى مەملەكەتتىك قىزمەتىنە تابىس، ال شۆەيساريا حالقىنا باق-بەرەكە تىلەدى.
