جەتىسۋ وبلىسىندا الداعى ەكى جىلدا ونەركاسىپ سالاسىندا 30 جوباسىن ىسكە اسىرۋ جوسپارلانعان. سولاردىڭ قاتارىندا جەتىسۋ وبلىسىندا قالدىقتاردى كادەگە جاراتۋ جانە قايتا وڭدەۋ زاۋىتى سالىنادى، دەپ حابارلايدى bairaqmedia.kz

بۇل «جاسىل جەتىسۋ» ج ش س جەكە ينۆەستورىمەن بىرلەسكەن جوبا بولماق. بۇل تۋرالى وبلىس اكىمى بەيبىت يسابايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتى الاڭىندا وتكەن بريفينگ بارىسىندا مالىمدەدى.

ءوڭىر باسشىسىنىڭ ايتۋىنا قاراعاندا، كەربۇلاق اۋدانىندا قۇنى 1،3 ترلن تەڭگە بولاتىن «شوعىرلاندىرىلعان تاۋ-كەن قۇرىلىس كومپانياسى» مەگا-جوباسىنىڭ قۇرىلىسى باستالدى. جوبا اياسىندا 2 230 جاڭا تۇراقتى جۇمىس ورنى اشىلادى، قۇرىلىس 2028 جىلى اياقتالادى دەپ جوسپارلانعان.

سول سياقتى تالدىقورعان قالاسىندا تەگىستەگىش بولات شار وندىرەتىن «ME-ELECMETAL» زاۋىتىنىڭ قۇرىلىسى ءجۇرىپ جاتىر.

بۇدان بولەك، كەلەسى جىلى تالدىقورعاندا قالدىقتاردى كادەگە جاراتۋ جانە قايتا وڭدەۋ زاۋىتىنىڭ قۇرىلىسى جۇرەدى دەپ جوسپارلانۋدا. بۇل جوبا «جاسىل جەتىسۋ» جشس-مەن بىرلەسىپ قولعا الىنادى.

جىل سوڭىنا دەيىن ونەركاسىپ ءونىمىنىڭ كولەمى 5%-عا ارتادى دەپ كۇتىلۋدە. ءبىزدىڭ باستى ماقساتىمىز – ينۆەستيسيا تارتا وتىرىپ، جاڭا جۇمىس ورىندارىن اشۋ، دايىن ءونىمدى وڭدەۋ جانە ونى ىشكى جانە سىرتقى نارىقتارعا شىعارۋ، - دەپ اتاپ ءوتتى بەيبىت يسابايەۆ.