«KEZDESU» باعدارلاماسىنا قاتىسقان باقىت تۇرمان ءمولدىر مۇقاننىڭ فيلمىنە ايتقان سىنى توڭىرەگىندەگى داۋعا توقتالىپ، جاعدايدىڭ ءمان-جايىن ءتۇسىندىردى، دەپ جازادى bairaqmedia.kz.
باعدارلاما بارىسىندا ول ءوزىن سىناپ جۇرگەندەرگە جاۋاپ قاتىپ، ەشكىمگە ادەيى ءتيىسۋدى ماقسات ەتپەگەنىن اتاپ ءوتتى.
«بىردەڭە ءبۇلدىرىپ قويعان جوقپىن عوي. ۇياتسىز، جۇرت قارعايتىنداي جاعداي ەمەس. تەك كينو تۋرالى جەكە پىكىرىمدى ايتتىم. سىن ايتىلعاننان كەيىن، ەرتەسى كۇنى ءمولدىر حانىم ءوزى دايرەككە جازدى. تولىقتاي ءوز قاتەلىكتەرىن مويىنداپ، تۇسىنىستىك ءبىلدىردى»، — دەدى باقىت تۇرمان.
سونىمەن قاتار، ءانشى ءار ءسوزىنىڭ جاۋاپكەرشىلىگىن ءوزى كوتەرەتىنىن ايتىپ، ەشكىمنىڭ ونى «قورعاپ» نەمەسە ونىڭ ورنىنا جاۋاپ بەرۋىنىڭ قاجەت ەمەستىگىن ناقتى جەتكىزدى:
«مەن ايتقان سوزىمە ءوزىم جاۋاپ بەرەمىن. ەشكىم مەن ءۇشىن اقتالىپ، جاۋاپ بەرمەي-اق قويسىن»، — دەدى ول.
