جەتىسۋ وڭىرىندە تۋريزم سالاسىنا ەرەكشە نازار اۋدارىلىپ وتىر. وبلىس قۇرىلعان ساتتەن باستاپ بۇل سالادا 64 جاڭا نىسان پايدالانۋعا بەرىلدى. سول سياقتى الاكول جانە بالقاش كولدەرىنىڭ جاعالاۋىن كۇتىپ ۇستاۋ ءۇشىن ەكى كوممۋنالدىق مەكەمە  قۇرىلدى. بۇل جايلى وبلىس اكىمى بەيبىت يسابايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتى الاڭىندا وتكەن بريفينگ بارىسىندا ايتتى، دەپ حابارلايدى bairaqmedia.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

- جىل سايىن وڭىرگە 2 ميلليوننان استام تۋريست كەلەدى. ولاردىڭ كەلىپ-كەتۋىنە جانە دەمالۋىنا قولايلى جاعداي جاساۋ – باستى مىندەتتىڭ ءبىرى. بيىل جاڭا «اقشي-بەسكول» ەلەكتر جەلىسى جانە قوسالقى ستانسياسى ىسكە قوسىلدى. جاعالاۋدى نىعايتۋ بوگەتتەرىنىڭ جانە كارىز تازارتۋ قۇرىلعىسىنىڭ قۇرىلىسى جۇرگىزىلۋدە. بالقاش كولىنىڭ جاعالاۋىنا دەيىن جول، سۋمەن جابدىقتاۋ، سۋ بۇرۋ، ەلەكتر جەلىلەرى جەتكىزىلدى. كول جاعالاۋىندا 6 كوممۋنالدىق جاعاجاي قاراستىرىلعان، ونىڭ 3-ۋىندە قۇرىلىس باستالدى. ەندى جاعالاۋدى اباتتاندىرىپ، جەكە ينۆەستورلاردى تارتىپ، دەمالىس ايماقتارىن سالۋ مىندەتى تۇر. سونداي-اق، لەپسى ستانسياسىندا جاڭا تەمىرجول ۆوكزالىنىڭ قۇرىلىسى باستالىپ، كەلەر جىلى قولدانىسقا بەرىلەدى، - دەدى وبلىس اكىمى بريفينگ بارىسىندا.

ال ەكولوگيالىق ءتۋريزمدى دامىتۋ ماقساتىندا «التىنەمەل» جانە «جوڭعار الاتاۋى» ۇلتتىق پارك اۋماقتارىندا ۆيزيت-ورتالىقتار اشىلدى.

جاسىلكول كولىنە جانە ش. ءۋاليحانوۆ مەموريالدىق مۇراجايىنا اپاراتىن جولدار جوندەلدى. «بۇرقانبۇلاق» سارقىراماسى جولىنىڭ قۇرىلىسى باستالدى.