قىزىلوردا قالاسىندا كوپتەن بەرى شەشىمىن كۇتكەن ماڭىزدى ماسەلە - سابالاق ەلدىمەكەنى تابيعي گازعا قوسىلۋدا، دەپ حابارلايدى bairaqmedia.kz.

بۇل جاڭالىقتى سابالاق تۇرعىندارى اسا زور قۋانىشپەن قابىلداپ جاتىر.
قالا ماڭىندا ورنالاسقان سابالاق ەلدىمەكەنىندە حالىق سانى جىل سايىن ارتىپ، جاڭا تۇرعىن ۇيلەر مەن الەۋمەتتىك نىساندار سالىنۋدا جانە سوڭعى 3 جىلدىڭ ىشىندە 5 ملرد. تەڭگە جۋىق قارجىعا اۋقىمدى ينفراقۇرىلىمدىق جوبالار جۇزەگە اسىرىلدى. 

ونىڭ ىشىندە جول، جارىق، اۋىز سۋ جەلىسى تارتىلىپ، ءبىرقاتار كوشەلەرگە جارىقتاندىرۋ جۇرگىزىلدى. قوعامدىق كولىك قاتىناسى رەتتەلدى. وسى جۇمىستارمەن قاتار، تۇرعىنداردىڭ باستى سۇرانىسى تابيعي گاز ماسەلەسىن شەشۋ بولاتىن.  

ايماق باسشىسى حالىقتىڭ سۇراناسىن قاناعاتتاندىرۋ ماقساتىندا ءتيىستى سالاعا ماسەلەنى جەدەل شەشۋ تۋرالى تاپسىرما بەرىپ، دەمەۋشىلىك ەسەبىنەن 53 ملن. تەڭگەگە جوبا سمەتالىق قۇجاتتاما ازىرلەندى.

ناتيجەسىندە، رەسپۋبليكالىق جانە وبلىستىق بيۋدجەتتەن جوبانى جۇزەگە اسىرۋعا 3،2 ملرد تەڭگە ءبولىنىپ، 2024 جىلى ەلدى مەكەندى گازداندىرۋ جۇمىستارى باستالدى.

مەردىگەر مەكەمە «سىرەنەرگوگازستروي» ج ش س ارقىلى 3 كەزەڭنەن تۇراتىن جوبا  اياسىندا 100 شاقىرىمعا جۋىق گاز قۇبىرى تارتىلىپ،  1 دانا گاز رەتتەۋىش پۋنكتى مەن 5 دانا شكافتى گازدى رەتتەۋ پۋنكتى ورناتىلدى.

قازىرگى تاڭدا پايدالانۋشى مەكەمەلەر تاراپىنان تەكسەرۋ جانە قابىلداۋ جۇمىستارى اياقتالىپ، ەلدىمەكەنگە جەتكىزۋشى گاز قۇبىرى جوعارى قىسىمدى گاز جەلىسىنە قوسىلدى. 

جىل سوڭىنا دەيىن بارلىق جۇمىستار اياقتالىپ، 1670 ابونەنت كوگىلدىر وتىنعا قوسىلۋعا قول جەتكىزەدى.

ايتا كەتۋ كەرەك، ايماعىمىزدا 2021 جىلدىڭ سوڭىندا گازداندىرۋ دەڭگەيى 67 پايىز بولاتىن. اتقارىلعان اۋقىمدى جوبالارادىڭ ارقاسىندا 2022-2025 جىلدار ارالىعىندا 63 ملرد. 600 ملن. تەڭگەگە 77 جوبا جۇزەگە اسىرىلىپ، بيىل وبلىسىمىزدا گازداندىرۋ كورسەتكىشى 83 پايىزعا جەتتى.