"حابار" اگەنتتىگىنىڭ باعدارلامالار ءوندىرىسى ءبولىمىنىڭ شەف-رەداكتورى، ەسىمى ەلگە بەلگىلى تەلەجۋرناليست ازات رىستانبەك دۇنيەدەن وزدى، دەپ حابارلايدى 24.kz.

ازات سارداربەك ۇلى ۇزاق جىلدار بويى قازاق تەليەۆيزياسىنىڭ دامۋىنا سۇبەلى ۇلەس قوستى. كاسىبي شەبەر تەلەمامان 2000 جىلدارى لاڭكەستىك ۇيىمدار مەن قالىڭ سەكتا تۋرالى بەينەماتەريالدار جاسادى. تۇركىستان لەگيونى ساپىندا بولعان جاۋىنگەرلەردىڭ تاريحىن جازدى. سۇراپىل جىلدارى شەكارا اسىپ انادولىعا دەيىن جەتكەن قايمانا قازاقتىڭ جوقشىسى بولدى.

جەڭىستىڭ 85 جىلدىعىنا وراي، سوناۋ ەۋروپانىڭ بىرنەشە ەلىن ارالاپ، "حابار" ارناسىنىڭ كونتەنت قورجىنىن ءۇش بولىمنەن تۇراتىن ءبىرتۇتاس دەرەكتى فيلممەن تولىقتىردى. "قارسىلاسۋ قوزعالىسى"، "پەتسامو-كيركەنەس وپەراسياسى" جانە "جات جۇرتتا قالعان جاۋىنگەر" دەپ اتالعان سيكلدى دەرەكتى فيلمدەرىندە ەكىنشى دۇنيەجۇزىلىك سوعىستىڭ قۇپيا ساقتالعان قۇجاتتارىن، ايتىلماعان اقيقاتتارىن زەرتتەدى.

حابار اگەنتتىگىنىڭ 30 جىلدىعىنا ارناپ ومىردەن وزعان ارىپتەستەرى جايىندا “ەسىمدەرى ەسىمىزدە” اتتى دەرەكتى فيلم ءتۇسىردى. ازات رىستانبەكتىڭ قازاق تەليەۆيزياسىنا سىڭىرگەن ەلەۋلى ەڭبەگى ەسكەرىلىپ، "حالىق العىسى" توسبەلگىسىمەن ماراپاتتالعان. پرەزيدەنتتىڭ العىس حاتىن يەلەنگەن. اقپارات سالاسىنىڭ ۇزدىگىن اتانعان.