ءانشى ءمولدىر مۇقانوۆا ەكس-كۇيۋى تۇرسىنبەك قاباتوۆ پەن بالالارى اراسىنداعى قارىم-قاتىناسى تۋرالى ايتتى، دەپ حابارلايدى bairaqmedia.kz.

جۋرناليست جانار بايسەمىزگە بەرگەن بۇعان دەيىنگى سۇحباتىندا مۇقانوۆا قاباتوۆ بالالاردىڭ ءنومىرىن بۇعاتتاعانىن ايتقان ەدى. الايدا كەيىن بۇل مالىمەتتى تۇرسىنبەك قاباتوۆ جوققا شىعارعان.

دەگەنمەن ءانشى سۇحباتتان كەيىن قاباتوۆ العاش بولىپ بالالارمەن بايلانىسقا شىققانىن اتاپ ءوتتى.

«سول سۇحباتتان كەيىن بالالارعا حابارلاسىپ، سويلەستى. ادەمى باسقا ەلدە وقىپ جاتىر. قىزىنا "ادەمى، ساعان راقمەت" دەپ ايتقان ەكەن. جۇرەگى ەلجىرەپ، كىشكەنە داۋىسى دىرىلدەپ تۇرعان ەكەن. ادەمى وعان: "پاپا، نە ءۇشىن راقمەت ايتىپ جاتىرسىز؟ ءسىز مەنىڭ اكەمسىز عوي. مەن دە ءسىزدى ساعىندىم. حابارلاسقانىڭىزعا راقمەت" دەپ جاۋاپ بەرىپتى. اكەلەرىنىڭ جۇرەگى وتە كەڭ ادام عوي. بۇل – ۋاقىتشا قاتەلىك. ءدال سول ۋاقىتتا بالالاردىڭ ءنومىرىن بۇعاتتاپتى. سول ساتتە ءوزىم قاسىندا بولماعاننان كەيىن تۇرسىنبەكتىڭ ءوزى بۇعاتتادى ما، الدە قاسىنداعى ادامدار بۇعاتتادى ما؟ ءبىز بىلمەيمىز عوي. سوندىقتان مەن تەك فاكتىلەردى ايتامىن. قانشاما ۋاقىت بويى ءبىز حابارلاسا الماي، جازبالارىمىزعا جاۋاپ الا المادىق. ءبىر-اق گالوچكا عانا كورىنەتىن. تەلەفوننان قوڭىراۋ بارمادى، بايلانىسقا شىعا الماي قالدىق. قينالىپ كەتتىك، ساعىندىق، جىلادىق… اسىرەسە ايارۋ مەن نۇريمان… سونداي ساتتەر بولدى. سول ساتتە ەموسياعا بەرىلىپ وسىنداي قيىنشىلىقتى ايتىپ قويدىم»، – دەدى ءمولدىر مۇقانوۆا.