شەرزات پولاتتىڭ ءىسى بويىنشا سوتتالعانداردىڭ باسىم بولىگى سوتتىڭ ۇكىمىنە اپەللياسيالىق شاعىم ءتۇسىردى. بۇل تۋرالى جابىرلەنۋشى تاراپتىڭ ادۆوكاتى مەيىرمان شەكەيەۆ مالىمدەدى، دەپ حابارلايدى bairaqmedia.kz

شەكەيەۆتىڭ ايتۋىنشا، سوت ۇكىمى 21 ماۋسىمدا زاڭدى كۇشىنە ەنگەن. وسى كۇننەن باستاپ سوتتالعانداردىڭ اپەللياسياعا شاعىمدانۋعا 15 كۇنى بار.

قازىرگى تاڭدا بارلىق سوتتالعاندار مەن ولاردىڭ قورعاۋشىلارى اپەللياسيالىق شاعىمدارىن تاپسىردى. تەك بەلعوجايەۆ پەن كامەلەتكە تولماعان ىسقاق ازىرگە شاعىم تۇسىرگەن جوق، - دەدى ادۆوكات.

ەسكە سالساق، ماۋسىمنىڭ باسىندا تالدىقورعان قالاسىندا شەرزات ءىسى بويىنشا توعىز ايىپتالۋشىعا ۇكىم شىعارىلعان بولاتىن.

وعان سايكەس، باستى ايىپتالۋشى ابزال شىناسىل 23 جىلعا باس بوستاندىعىنان ايىرىلدى. راۆيل ساكييەۆكە 20 جىل، ازامات توقتاۋبايەۆقا 15 جىل، نۇرقياس يلياسوۆقا 9 جىل تۇرمە جازاسى تاعايىندالدى. بۇزاقىلىق بويىنشا جاۋاپ بەرگەن قالعان جىگىتتەر 7 جىلدان جازا ارقالادى. ال، كامەلەتكە تولماعان دۋمان ىسقاق 1 جىل 6 اي مەرزىمگە سوتتالدى.