قازاقستاندا 2026 جىلدان باستاپ ەر بالالارعا ادام پاپيللوماسى ۆيرۋسىنا قارسى ۆاكسينا ەگۋ كوزدەلىپ وتىر. بۇل تۋرالى دەنساۋلىق ۆيسە-مينيسترى تيمۋر سۇلتانعازييەۆ مالىمدەدى، دەپ حابارلايدى Bairaqmedia.kz.

وتكەن جىلى قىز بالالارعا ادام پاپيللوماسى ۆيرۋسىنا (اپۆ) قارسى ەكپە ەگۋدى باستادىق. بۇل دەرت وتە ءقاۋىپتى، ياعني جاتىر موينى وبىرى جانە باسقا دا ونكولوگيالىق اۋرۋلارعا اكەلۋى مۇمكىن. ءقازىر ۇكىمەتتە ۆاكسينانى ەر بالالارعا دا ەگۋ ماسەلەسى قاراستىرىلىپ جاتىر. الدىن الا جوسپار بويىنشا، شامامەن ءبىر جىلدان كەيىن بۇل جۇمىستى باستاۋ كوزدەلىپ وتىر، – دەدى تيمۋر سۇلتانعازييەۆ.. 

سونداي-اق ۆيسە-مينيستر ادام پاپيللوماسى ۆيرۋسىنا قارسى ەكپە الاتىن قىزداردىڭ جاس ساناتىن كەڭەيتۋ جوسپارلانىپ وتىرعانىن ايتتى.  

ءبىزدىڭ ستراتەگيامىز – قىز بالالاردى بارىنشا قامتۋ. قىزداردى جانە الداعى ۋاقىتتا ۇلداردى دا قامتۋ ءۇشىن ۆاكسيناسيالاۋ دەڭگەيىن 90 پايىزعا دەيىن جەتكىزۋ كەرەك. جىل سوڭىنا دەيىن 90 پايىزدىق مەجەگە جەتۋدى جوسپارلاپ وتىرمىز. كەيىن كەزەڭ-كەزەڭىمەن ەكپە الاتىن توپ قاتارىن كەڭەيتەمىز، ياعني الدىمەن قىزدار اراسىندا، ودان كەيىن ەر بالالارعا دا ەنگىزەمىز، – دەيدى ۆيسە-مينيستر. 

ايتا كەتسەك، وتكەن جىلى ۇكىمەت ادام پاپيللوماسى ۆيرۋسىنا قارسى ۆاكسينا ساتىپ الۋعا 9،7 ملرد تەڭگەدەن استام قارجى ءبولدى.