سەنات مىندەتتى الەۋمەتتىك مەديسينالىق ساقتاندىرۋ جانە مەديسينالىق قىزمەت كورسەتۋ ماسەلەلەرى بويىنشا تۇزەتۋلەردى ماقۇلدادى، دەپ حابارلايدى Bairaqmedia.kz.
بۇل وزگەرىستەردىڭ ماقساتى – مەديسينالىق كومەكتىڭ قولجەتىمدىلىگى مەن ساپاسىن ارتتىرۋ، قارجى اينالىمىنىڭ اشىقتىعىن كۇشەيتۋ جانە ءمامس جۇيەسىنىڭ تۇراقتىلىعىن نىعايتۋ.
سونداي-اق حالىقتى ساقتاندىرۋ جۇيەسىمەن قامتۋدى كەڭەيتۋ، مەديسينالىق قىزمەت كورسەتۋ سالاسىندا باقىلاۋ جانە جەدەل ارەكەت ەتۋ تەتىكتەرىن ەنگىزۋ قاراستىرىلعان.
ەنگىزىلگەن باستى وزگەرتۋلەر:
- جۇمىسسىزدار مەن الەۋمەتتىك وسال توپتاردىڭ مەديسينالىق كومەككە قولجەتىمدىلىگى قامتاماسىز ەتىلەدى (ولار ءۇشىن جارنانى جەرگىلىكتى اكىمدىكتەر تولەيدى)؛
- ءمامس قاراجاتىنىڭ قوزعالىسى مەن پايدالانىلۋى تۋرالى دەرەكتەردى مىندەتتى تۇردە جاريالاۋ ەنگىزىلەدى؛
- قىزمەت ساپاسىز كورسەتىلگەن جاعدايدا قاراجاتتى قايتارۋ تەتىگى كوزدەلگەن؛
- مەديسينالىق قىزمەت كورسەتۋ سالاسىنداعى زاڭبۇزۋشىلىقتارعا جەدەل دەن قويۋ جانە باقىلاۋ مەحانيزمى ورناتىلادى؛
- جاسۋشالار، تىندەر مەن گەموپوەتيكالىق ءدىڭ جاسۋشالارىن ترانسپلانتاسيالاۋ قىزمەتى ليسەنزيالاناتىن بولادى؛
- سيرەك (ورفاندىق) اۋرۋلارى بار ناۋقاستار دارى-دارمەكپەن تەگىن قامتاماسىز ەتىلەدى – بۇل شىعىندار ءمامس جانە باسقا كوزدەر ەسەبىنەن جابىلادى؛
- I توپتاعى مۇگەدەكتىگى بار، زەينەت جاسىنداعى ادامداردىڭ جۇبايلارىنا ولاردىڭ جەكە كومەكشىسى بولۋ قۇقىعى بەكىتىلەدى؛
- «ادام اعزاسى»، «ادام جاسۋشاسى»، «الەۋمەتتىك ءمانى بار اۋرۋلار» ۇعىمدارى ناقتىلاندى.
