باسى داۋعا قالعان ءداستۇرلى ءانشى ناركەنجە سەرىكبايەۆانىڭ تۇڭعىشى اناسىنىڭ نە ءۇشىن كەشىرىم بەرگەنى تۋرالى جازبا جاريالادى، دەپ حابارالايدى bairaqmedia.kz

جانسايا سەرىكبايەۆانىڭ ايتۋىنشا، اناسى بۇل وقيعادا كورەگەندىك تانىتقان. 

مەن اناممەن ءارقاشان ماقتانامىن، بۇل جولى دا ەرلىك جاساپ ەشكىم قوزعاي الماي جۇرگەن، قوعامنىڭ باستى دەرتىن قوزعادى. بۇل، ارينە، بارلىق مەكەمە باسشىلارىنا ساباق بولعانى ءسوزسىز. بارلىق الەۋمەتتىك جەلىدە بىرەۋىڭىز، جاقتاساڭىزدار، بىرەۋىڭىز داتتاپ جاتىرسىزدار، ەندى كەلىپ، بلوگەر، جۋرناليست سىماقتار حايپ قۋالاپ انامدى مازاققا اينالدىرىپ جاتىر، مەيلى ءبىز قاشان دا مىقتىمىز. بۇل سىناقتان دا ويناپ-كۇلىپ باس كوتەرىپ ءوتىپ كەتەمىز.
بۇل جاعداي بىزگە كىمنىڭ كىم ەكەنىن تانىتتى، بۇرىڭعىدان دا شىڭداي ءتۇستى. ءبىزدىڭ قوعامنىڭ ءالسىز جەرى دە وسى باسقا باسقا بىرەۋدى جەردەن الىپ، جەرگە سالىپ تابالاۋعا شەبەرمىز. مەيلى حالىق نە دەمەيدى؟ مەن ءبارىن اللاعا تاپسىردىم. دەگەنمەن مەنىڭ كورگەنىم باسقا دۇنيە. اناما قولداۋ كورسەتۋ ءۇشىن وسى ماسەلە بارىسىندا ونىڭ جانىنان تابىلدىم. جان جاقتان بەلگىلى ەل اعالارى كەلىپ:
— ناركەنجە قارىنداسىم، كەشىرىمدى بولايىق دەپ ەكى تاراپ كەلىسىمگە كەلىڭدەر دەگەندە، انام كورەگەندىككە سالىنىپ، ەل اعالارىنىڭ سوزىنەن اتتاپ كەتە الماي ءبىزدىڭ تاراپىمىزدان كەشىرىم بەرىلدى. نەگىزى بۇل جاعداي رەزونانس تۋدىردى. سول جەردە تۇرىپ، مەندە اناما رەنجىپ: 
— نەگە كەشىردىڭىز؟ نەگە سوڭىنا دەيىن بارمادىڭىز؟، دەگەن سۇراقتى مەن دە قويدىم. سول كەزدە انام:
— ساياش، اللادان ۇلكەن ەمەسپىز، ۇلكەن باسىمەن ەل اعالارى الدىمىزعا كەلىپ تۇرعاندا كەشىرىم بەرمەسەك، ءبىزدىڭ ادامگەرشىلىگىمىز قايدا قالدى؟ —دەپ، توقتاتتى. وسىلاي ەكى جاق ورتاق شەشىمگە كەلدىك، - دەپ جازدى ءانشىنىڭ قىزى.

تاعى وقىڭىز: «الدىما وتىر، سەنى يىسكەۋىم كەرەك»: ءداستۇرلى ءانشى باستىعىنان قىسىم كورگەنىن مالىمدەدى

ايتا كەتەيىك، ناركەنجە سەرىكبايەۆانىڭ باسشىلىق تاراپىنان قىسىمعا ۇشىرادىم دەگەن ۆيدەوسى الەۋمەتتىك جەلىدە كەڭىنەن تاراپ، قوعام تالقىسىنا تۇسكەن ەدى.