قازاقستاندىقتار جىل باسىنان بەرى زاڭسىز ميكروقارجى ۇيىمدارىنا 71 ملرد تەڭگە ارتىق تولەگەن، دەپ حابارلايدى Bairaqmedia.kz.

قارجىلىق مونيتورينگ اگەنتتىگىنىڭ مالىمەتىنشە، زاڭناما تالاپتارىن اينالىپ ءوتىپ، ازاماتتارعا نەسيە ۇسىناتىن زاڭسىز ميكروقارجى ۇيىمدارى زاڭدى نەسيەلەۋ تۇرىندە قىزمەت كورسەتكەنىمەن، شىن مانىندە قارىز الۋشىلارعا ءتۇرلى قوسىمشا تولەمدەر مەن پايىزداردى، ساقتاندىرۋ جارنالارىن مىندەتتەپ جۇكتەيدى. بۇل ادىستەر ارقىلى ولار سىياقى مولشەرلەمەسىنە قاتىستى زاڭمەن بەلگىلەنگەن شەكتەۋلەردى اينالىپ وتەدى.

سالدارىنان ازاماتتار وزىنە جۇكتەلگەن قارىزدى بىرنەشە ەسە كوپ پروسەنتپەن تولەۋگە ءماجبۇر بولىپ، قارجىلىق قيىندىققا تاپ بولادى.

2025 جىلدىڭ باسىنان بەرى اگەنتتىك 5 زاڭسىز ميكروقارجى ۇيىمىنىڭ قىزمەتىن توقتاتتى. بۇل ۇيىمداردان 300 مىڭنان استام ازامات زارداپ شەككەن، ولاردىڭ جالپى ارتىق تولەم سوماسى 71 ملرد تەڭگەدەن اسقان، – دەلىنگەن حابارلامادا.

زاڭدى مقۇ ميكروقارجى ۇيىمدارى «تەكسەرۋسىز» جانە «بارلىعىنا بەرىلەدى» دەگەن ۋادەلەرمەن جۇمىس ىستەمەيتىنى اتاپ ءوتىلدى.