قازاقستاندا مۇناي-گاز حيمياسى سالاسى تۋرالى جەكە زاڭ ازىرلەنەدى، دەپ حابارلايدى Bairaqmedia.kz.
پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا حيميا جانە مۇناي-حيميا سالاسىن دامىتۋ ماسەلەسى قارالدى.
«مۇناي-گاز بيزنەسى وكىلدەرىمەن وتكەن كەڭەستە مۇناي-گاز حيمياسى سالاسى تۋرالى جەكە زاڭ ازىرلەۋ ماسەلەسى كوتەرىلدى. بۇل باستامانى قولدايمىن. ەنەرگەتيكا، ونەركاسىپ جانە قۇرىلىس، ۇلتتىق ەكونوميكا، ادىلەت مينيسترلىكتەرىنە وسى جىلدىڭ 1 قىركۇيەگىنە دەيىن ۇكىمەت اپپاراتىنا ءتيىستى زاڭ جوباسىن ەنگىزۋدى تاپسىرامىن»، — دەپ اتاپ ءوتتى پرەمەر-مينيستر ولجاس بەكتەنوۆ.
ونەركاسىپ جانە قۇرىلىس ءمينيسترى ەرسايىن ناعاسپايەۆتىڭ ايتۋىنشا، بۇگىندە حيميا ونەركاسىبىنىڭ وڭدەۋ ونەركاسىبى قۇرىلىمىنداعى ۇلەسى 4،6%-دى قۇرايدى جانە اۋىل شارۋاشىلىعى، مەتاللۋرگيا، قۇرىلىس ماتەريالدارى ءوندىرىسى سياقتى سالالاردىڭ دامۋىنا وڭ اسەر ەتەدى.
جىل قورىتىندىسى بويىنشا ءوندىرىس كولەمى 7،7%-عا ءوسىپ، 1،1 ترلن تەڭگەدەن استى. سالانىڭ نەگىزگى كاسىپورىندارى ىشكى سۇرانىستىڭ قاجەتتىلىكتەرىن قامتاماسىز ەتەدى جانە ەكسپورتتىق الەۋەتتى دامىتادى.
«جىلدىڭ توقساندىق قورىتىندىسى بويىنشا ءونىم كولەمى 12،5%-عا ءوسىپ، 406 ملرد تەڭگەنى قۇرادى. وسى جىلى ءوندىرىس كولەمىن 5%-عا ارتتىرۋ كوزدەلگەن. جوسپار بويىنشا ءوسىم بيىلعى ىسكە اسىرىلاتىن جوبالار جانە تىڭايتقىشتار مەن فوسفوردى 13%-عا، ناتريي ءسيانيدىن 15%-عا، پوليپروپيلەن ءوندىرىسىن 32%-عا ارتتىرۋ ارقىلى ىسكە اسىرىلاتىن بولادى»، – دەدى ول.
جىل قورىتىندىسى بويىنشا ءوندىرىس كولەمى 7،7%-عا ءوسىپ، 1،1 ترلن تەڭگەدەن استى. سالانىڭ نەگىزگى كاسىپورىندارى ىشكى سۇرانىستىڭ قاجەتتىلىكتەرىن قامتاماسىز ەتەدى جانە ەكسپورتتىق الەۋەتتى دامىتادى.
جالپى، مينيستر اتاپ وتكەندەي، سوڭعى بەس جىلدا سالا جىل سايىن ورتا ەسەپپەن 5%-عا وسۋمەن تۇراقتى وڭ ديناميكانى كورسەتىپ وتىر. بۇل – وتاندىق وندىرۋشىلەردىڭ جۇيەلى جۇمىسى مەن مەملەكەت تاراپىنان قولداۋدىڭ ناتيجەسى.
