الەۋمەتتىك جەلىدە تۇركىستان وبلىسى شاردارا اۋدانىندا ەلدى دۇرلىكتىرگەن وقيعانىڭ ۆيدەوسى تاراعان بولاتىن، دەپ حابارلايدى bairaqmedia.kz.
ۆيدەودان ۇلىنىڭ اكەسىن بالاعاتتاپ، ۇرعانىن كورۋگە بولادى. ءتىپتى كەلىنى دە جۇيەلى تۇردە ۇرىپ-سوعىپ، قورلاپ كەلگەن.
جەلىدەگى اقپاراتقا سۇيەنسەك، كورشىسى بۇل سۇمدىقتى جاسىرىن ۆيدەوعا تۇسىرگەنىمەن، پوليسياعا شاعىمدانباعان. ول تۇسىرگەن بەينەجازبانى قارت ازاپپەن كوز جۇمعاننان كەيىن عانا جاريالاعان.
زەينەتكەردىڭ قايتىس بولعانى تۋرالى اقپاراتتى وبلىستىق پوليسيا دەپارتامەنتى راستادى.
اتالعان جاعدايعا قاتىستى تۇركىستان وبلىسى پوليسيا دەپارتامەنتى قىلمىستىق ءىس قوزعالدى.
- كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى. بولعان وقيعانىڭ ءمان-جايى انىقتالىپ جاتىر. قاجەتتى جەدەل-تەرگەۋ شارالارى جۇرگىزىلىپ جاتىر، ونىڭ ناتيجەلەرى بويىنشا ءتيىستى شەشىم قابىلداناتىن بولادى. ق ر قپك-نىڭ 201-بابىنا سايكەس تەرگەۋ مۇددەسىندەگى وزگە دە اقپاراتتار جاريا ەتىلۋگە جاتپايدى، - دەلىنگەن اقپاراتتا.
