2024 جىلدىڭ قورىتىندىسى بويىنشا تىركەلگەن نەكەلەردىڭ جالپى سانىنىڭ 18،2%-ىن ارالاس نەكەلەر قۇراعان. ياعني، 123،6 مىڭنىڭ ىشىنەن 22،4 مىڭى ارالاس نەكە. بۇل قاتاردا تۇركىستان قالاسىنىڭ ۇلەسى دە باسىم، - دەپ حابارلايدى bairaqmedia.kz

بۇل وڭ ديناميكا ق ر سجرا ۇسب شىعارعان «قازاقستاننىڭ دەموگرافيالىق جىلناماسىندا» قاتارىنان ءتورتىنشى جىل بايقالىپ وتىر دەپ كورسەتىلگەن. 

سوڭعى رەت پايىزدىق قاتىناس ءدال وسىنداي جوعارى دەڭگەيدە 2007 جىلى تىركەلگەن بولاتىن. ال، قولجەتىمدى 21 جىلدىق دەرەكتەر ىشىندە ەڭ جوعارى كورسەتكىش ەكى جىل بۇرىن بايقالعان - 18،8%.

ايتا كەتۋ كەرەك، 2004 جىلدان 2020 جىلعا دەيىن ارالاس نەكەلەر ۇلەسىنىڭ تومەندەۋ ءۇردىسى بايقالعان ەدى. جالپى ايتقاندا، وسى كەزەڭدە كورسەتكىش 4،5 پايىزعا ازايىپ، 14،2%-عا جەتكەن.

سوندىقتان سوڭعى ءتورت جىلدا كورسەتكىشتىڭ جاي عانا تۇراقتى ءوسىمى ەمەس، بۇرىنعى ءۇردىسىنىڭ كەرى ورالۋى بايقالادى. جالپى العاندا، “ءساتسىز” 2020 جىلمەن سالىستىرعاندا وڭ ديناميكا ايقىن كورىنەدى.

وزگە ۇلت وكىلدەرىنەن ەڭ سيرەك قىز الاتىندار - كۇيەۋجىگىتتەردىڭ ەڭ كوپ ەتنيكالىق توبى بولىپ تابىلاتىن قازاق جىگىتتەرى. 2024 جىلى مۇنداي نەكەلەردىڭ ۇلەسى 6،9%-دى قۇرادى (85،8 مىڭنىڭ ىشىنەن 5،9 مىڭى). ال، كەلەسى ەكى ءىرى ەتنيكالىق توپقا، ورىستار مەن وزبەكتەر، كەلەر بولساق، پايىزدىق قاتىناس تەڭەسىپ قالعان - تيىسىنشە 30،7% (18،6 مىڭنىڭ ىشىنەن 5،7 مىڭى) جانە 15،7% (4،9 مىڭنىڭ ىشىنەن 0،8 مىڭى).

ايەلدەر اراسىنداعى جاعداي دا ۇقساس. سانى جاعىنان باسىم بولىپ كەلەتىن قازاق قىزدارى دا 2024 جىلى ارالاس نەكەگە بارىنەن ازىراق تۇسكەن - جالپى قالىڭدىقتاردىڭ 5،7%-ى جايلى عانا ءسوز بولىپ وتىر (84،7 مىڭنىڭ ىشىنەن 4،8 مىڭى). ال ورىس قىزدارى قالىڭدىقتارىنىڭ 35،6%-ى (20 مىڭنىڭ ىشىنەن 7،1 مىڭى)، وزبەك قىزدارى قالىڭدىقتارىنىڭ 17،2%-ى (5 مىڭنىڭ ىشىنەن 0،9 مىڭى) ومىرلىك جارى رەتىندە وزگە ۇلت وكىلىن تاڭداعان.

ايتا كەتكەن ءجون، بۇل سانداردىڭ ءوزى ءبىر ەتنوستىڭ وكىلدەرى ءۇشىن ءوز ۇلتىنان شىنايى قارىم-قاتىناس قۇراتىن ادامدى كەزدەستىرۋ ىقتيمالدىعى قانشالىقتى جوعارى ەكەنىن دە كورسەتەدى. باسقاشا ايتقاندا، ەتنوس قانشالىقتى كەڭ تارالعان بولسا، ونىڭ وكىلدەرى ءۇشىن ارالاس ەمەس نەكەگە ءتۇسۋ سوعۇرلىم وڭاي.