تۇركىستان وبلىسىنىڭ باس يمامى شاردارادا اكەسىن سوققىعا جىقتى دەپ كۇدىككە ىلىنگەن ەر ادامعا قاتىستى پىكىر ءبىلدىرىپ، الەۋمەتتىك جەلىدە رەسمي مالىمدەمە جاسادى، دەپ حابارلايدى bairaqmedia.kz.
ايتا كەتەيىك، بۇعان دەيىن كۇدىكتىنىڭ مەشىتتە قىزمەت ەتەتىنى تۋرالى اقپارات تاراعان بولاتىن.
وبلىستىڭ باس يمامى ەرجان تولەپوۆ جازباسىن Facebook پاراقشاسىندا جاريالاعان. ول جەلىدە تاراپ جاتقان اقپارات شىندىققا جاناسپايتىنىن جەتكىزدى.
"رەسمي تۇردە مالىمدەيمىز: اتالعان ازامات قازاقستان مۇسىلماندارى ءدىني باسقارماسىنىڭ ءدىن قىزمەتكەرى ەمەس. ول مەشىتتە ەشقاشان ازان ايتپاعان جانە رەسمي ءدىني قىزمەت اتقارماعان. ونىڭ قىزمەتى ءدىن سالاسىنا قاتىسى جوق، قوسىمشا توي جۇرگىزۋشى (تامادا).
قازاقستان مۇسىلماندارى ءدىني باسقارماسى مۇنداي ارەكەتتەردى قاتاڭ ايىپتايدى. سونىمەن بىرگە، اتا-اناعا قۇرمەت - ءاربىر مۇسىلماننىڭ باستى مىندەتى ەكەنىن قالىڭ جۇرتشىلىقتىڭ ەسىنە سالادى"، - دەلىنگەن حابارلامادا.
