مەملەكەت باسشىسى قاسىم-جومارت توقايەۆ كەيبىر ازاماتتاردىڭ زەينەتاقى جيناعىن لايىقتى دەڭگەيگە جەتكىزۋدى تاپسىردى، دەپ حابارلايدى bairaqmedia.kz.
بۇگىندە دەموگرافيا جانە ەڭبەك نارىعىنداعى ۇردىستەر زەينەتاقى جۇيەسىنە قاتىستى ۇستانىمداردى قايتا قاراۋدى قاجەت ەتەدى.
"ازاماتتاردىڭ، اسىرەسە، ءوز-وزىن جۇمىسپەن قامتىپ وتىرعان ادامداردىڭ زەينەتاقى جيناعى از ەكەنى بايقالادى. ۇكىمەت ۇلتتىق بانكپەن، سونداي-اق ستراتەگيالىق جوسپارلاۋ جانە رەفورمالار اگەنتتىگىمەن بىرلەسە وتىرىپ زەينەتاقى جۇيەسىنىڭ قارجىلىق تۇراقتىلىعىن نىعايتۋ، زەينەتاقى تولەمدەرىنىڭ ۇزاق ۋاقىت بويى تەڭگەرىمدى جانە لايىقتى دەڭگەيدە بولۋىن قامتاماسىز ەتۋ شارالارىن ويلاستىرۋى كەرەك"، - دەدى توقايەۆ حالىققا ارناعان جولداۋىندا.
