2025 جىلدىڭ قاڭتار-مامىر ايلارىندا قازاقستاننىڭ جالپى ىشكى ءونىمى بىلتىرعى وسى كەزەڭمەن سالىستىرعاندا 6%-عا وسكەن، دەپ حابارلايدى Bairaqmedia.kz.

ۇلتتىق ستاتيستيكا بيۋروسىنىڭ دەرەكتەرىنە سايكەس، مۇنداي ناتيجەگە ونەركاسىپ پەن قۇرىلىس سالالارىنان باستاپ ساۋدا، كولىك جانەبايلانىسقا دەيىنگى نەگىزگى سالالارداعى ءوسىم قارقىنىنىڭ جەدەلدەۋى ىقپال ەتتى.

ونەركاسىپ ءوندىرىسى 6،4%-عا ارتتى. ەلدىڭ 17 وڭىرىندە ءوسىم بايقالدى: ەڭ جوعارى ءوسىم +22،9% كورسەتكىشىمەن كەن ءوندىرۋ، تىڭايتقىشتار، پورتلاندسەمەنت پەن قانت ءوندىرىسىنىڭ بەلسەندى دامۋىنىڭ ناتيجەسىندە جامبىل وبلىسىندا تىركەلدى.  تۇركىستان جانە جەتىسۋ وبلىستارىندا ءوندىرىس 14،8%-عا، الماتى قالاسىندا 14،1%-عا ءوستى. شىمكەنت قالاسىندا ءوسىم 18،9%-عا جەتتى.

اۋىل شارۋاشىلىعىنداعى ءوسىم 4،0%-دى قۇرادى (ءقاڭتار-ساۋىر ايلارىنداعى 3،9%-بەن سالىستىرعاندا). ەڭ ايقىن ءوسىم اتىراۋ وبلىسىندا (+10،4%)، سولتۇستىك قازاقستان وبلىسىندا (+7،5%) جانە اقمولا وبلىسىندا (+6،5%) تىركەلدى، بۇل نەگىزىنەن مال مەن قۇس سويىمىنىڭ ارتۋى ەسەبىنەن بولدى. تۇركىستان وبلىسىندا ءوسىم 6،3%-دى، اباي وبلىسىندا – 3،6%-دى، ال قوستاناي وبلىسىندا – 4،8%-دى قۇرادى.

قۇرىلىس سالاسى قارقىندى دامىپ كەلەدى، 15،4%-عا ءوستى. ون سەگىز وڭىردە ءوسىم تىركەلدى، ال ماڭعىستاۋ وبلىسىندا مەكتەپتەر، تۇششىتقىش زاۋىت، مۇناي جانە سۋ قۇبىرلارىن قايتا جاڭارتۋ، اۋداندىق اۋرۋحانا جانە اۆتوجولداردى جوندەۋ سياقتى اۋقىمدى جوبالاردىڭ ارقاسىندا جۇمىس كولەمى ەكى ەسەگە ارتتى. قىزىلوردا وبلىسىندا ءوسىم 64،5%-دى، قوستانايدا – 57،8%-دى، استانادا – 51،8%-دى، تۇركىستان وبلىسىندا – 46،6%-دى قۇرادى. تۇرعىن ءۇي قۇرىلىسى دا قارقىن الىپ كەلەدى: بەس ايدىڭ ىشىندە 6 ملن شارشى مەتردەن استام تۇرعىن ءۇي پايدالانۋعا بەرىلدى، بۇل بىلتىرمەن سالىستىرعاندا 5،7%-عا كوپ. ەڭ بەلسەندى قۇرىلىس تۇركىستان وبلىسىندا (+25،5%)، شىمكەنت قالاسىندا (+23،4%) جانە الماتى وبلىسىندا (+20،4%) بايقالدى.

نەگىزگى كاپيتالعا سالىنعان ينۆەستيسيا18،2%-عا ارتتى. بۇل ءوسىم كولىك، وندىرىستىك جانە الەۋمەتتىك ينفراقۇرىلىمعا، سونداي-اق جابدىقتار مەن جاڭا ونەركاسىپتىك نىساندارعا باعىتتالعان قارجى سالىمدارىنىڭ ەسەبىنەن قامتاماسىز ەتىلدى.

ساۋدا اينالىمى 7،8%-عا ارتتى (ءقاڭتار-ساۋىر ايىنىڭ قورىتىندىسىنداعى 7،0%-بەن سالىستىرعاندا). ىشكى ساۋدا قۇرىلىمىندا كوتەرمە ساۋدانىڭ ۇلەسى شامامەن 68%-دى قۇرايدى. اعىمداعى جىلدىڭ قاڭتار-مامىر ايلارىندا كوتەرمە ساۋدا 8،3%-عا، بولشەك ساۋدا 6،5%-عا ءوستى. ءوسىم قارقىنى بويىنشا تۇركىستان وبلىسى (+66،2%)، اقمولا وبلىسى (+48،9%) جانە شىمكەنت قالاسى (+23،1%) الدىڭعى قاتاردا.

بايلانىس جانە تەلەكوممۋنيكاسيا سالاسى 2،8%-عا ءوستى. بۇل ينتەرنەت جەلىسى قىزمەتتەرى ەسەبىنەن (+13،9%).

كولىك سالاسى 23،1%-دىق ءوسىم كورسەتتى — بۇل كوبىنەسە جۇك تەمىرجول كولىگىنىڭ (+17%) جانە قۇبىر ارقىلى تاسىمالداۋدىڭ وسۋىنەبايلانىستى (+13،8%). ەڭ جوعارى ءوسىم جەتىسۋ وبلىسىندا (+39،1%)، اباي وبلىسىندا (+17،7%) جانە اقتوبە وبلىسىندا (+11،3%) تىركەلدى.
ۇكىمەت ەلدىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ جونىندەگى پرەزيدەنتتىڭ تاپسىرمالارىنىڭ ورىندالۋىن جەكە باقىلاۋدا ۇستاۋدى جالعاستىرىپ كەلەدى.