“نۇر-مۇقاسان” توبىنىڭ جاڭا انشىسىنە قول جۇمسادى دەگەن ايىپپەن اتىنا قىلمىستىق ءىس قوزعالعان مۇقاسان شاحزادايەۆ كوپشىلىكتىڭ الدىنا قايتا شىقتى، دەپ حابارلايدى bairaqmedia.kz.

9 جەلتوقساندا الماتىدا اقىن ولجاس وتاردىڭ “اۋىرمايدى جۇرەك” اتتى شىعارماشىلىق كەشى ءوتتى. ادەبيەت پەن مۋزىكانى توعىستىرعان بۇل شارادا قازاق ەستراداسىنىڭ تانىمال انشىلەرى ءبىر ساحنادا باس قوستى.

كەش بارىسىندا سايات مەدەۋوۆ، دوسىمجان تاڭاتاروۆ، قايرات نۇرتاس، قانات پەن سۆەتا، توقتار مەن بەيبىت، ەرنار ايدار، الىشەر كارىموۆ جانە اباي بەگەي ونەر كورسەتتى. سونداي-اق ساحناعا مۇقاسان شاحزادايەۆتىڭ دا كوتەرىلگەنى كورىندى.

اقىن ولجاس وتار Instagram-پاراقشاسىندا شاحزادايەۆتىڭ ساحنادا ءان ايتىپ تۇرعان ۆيدەوسىن ءبولىسىپ، جۇرت نازارىنا ۇسىندى.

ال دوسىمجان تاڭاتاروۆ ءوز ستوريسىندە مۇقاسانمەن تۇسكەن سۋرەتىن جاريالاپ، جەلى قولدانۋشىلارىنىڭ نازارىن اۋدارتتى.