جۋرناليست ەربول ازانبەك ءوزىنىڭ Facebook-تەگى پاراقشاسىندا «مۋزارت» توبىنىڭ ءانشىسى ساكەن مايعازييەۆتىڭ ۇلىنىڭ تويىن ونلاين كورۋ مۇمكىندىگىن اقىلى تۇردە جاساعانىنا قاتىستى پىكىر ءبىلدىردى. ونىڭ سوزىنشە، بۇل جەردە ەشقانداي زاڭبۇزۋشىلىق جوق.

«ساكەننىڭ ۇلىنىڭ تويىن اقىلى، ونلاين كورۋ مۇمكىندىگى بار دەگەن جاڭالىقتى، ارتىنشا قۇقىق قورعاۋ ورگاندارى قايدا قاراپ وتىر، دەگەن جازبالاردى كوردىم. ءبىر جازبالاردا انتيكوردى بەلگىلەپتى.  ەشقانداي زاڭبۇزۋشىلىق، شۋ شىعاراتىن نارسە كورمەدىم. نارىق زامانىندا زاڭمەن تىيىم سالماعان كەز كەلگەن نارسەمەن تابىس تابۋعا بولادى. باستىسى، تابىسىڭنان سالىق تولە. ارنايى سايت ارقىلى كينو كورسەتۋ سياقتى عوي، مۇندا تەك وقيعا ويدان شىعارىلماعان، كوز الدىڭدا وتەدى. تويدى ونلاين كورسەتەتىن ارنايى اگەنتتىك سياقتى. ولار كورسەتىلىمنەن تۇسكەن تابىستان سالىق تولەۋى كەرەك. بولدى، باسقا ماسەلە جوق. كەرىسىنشە، كرەاتيۆ ۇرىپ تۇرعانى ءۇشىن جارايسىڭ دەۋ كەرەك. تويدىڭ ءوزىن مونەتيزاسياعا شىعارىپ جاتقانى. ال كورۋ، كورمەۋ اركىمنىڭ ەركى. قالاساڭ، اقشا تولە دە كور، قالاماساڭ كورمە»، - دەپ جازدى ول.

ايتا كەتەيىك، ساكەن مايعازييەۆ ماڭعىستاۋلىقتارمەن قۇدا بولىپ جاتىر. جۋىردا مايعازييەۆتەر كەلىنى ءاديانى شاڭىراقتارىنا اكەلىپ، بەتاشار ءراسىمىن جاسادى. 

ونلاين كورسەتىلەتىن ۇيلەنۋ تويى ماۋسىمنىڭ 11-ىندە وتپەك.