3 قىركۇيەك كۇنى اباي وبلىسىنىڭ اياگوز قالاسىندا پوليسيا قىزمەتكەرلەرى كۇدىكتى زات تابىلعاننان كەيىن اۋماقتى قورشاپ، تۇرعىن ۇيدەن ادامداردى ەۆاكۋاسيالادى، دەپ حابارلايدى bairaqmedia.kz.
اباي وبلىسى پوليسيا دەپارتامەنتىنىڭ مالىمەتىنشە، كەزەكشى بولىمگە 70 جاستاعى جەرگىلىكتى تۇرعىننان حابار تۇسكەن. ەر ادام جولدان ءوتىپ بارا جاتىپ، جەردە جاتقان سىرتتاي سناريادقا ۇقساس مەتالل زاتتى بايقاعان.
وقيعا ورنىنا پوليسيا قىزمەتكەرلەرى، ءىىم ءساپورلارى جانە تجد ماماندارى كەلدى. ايماق قورشالىپ، تۇرعىندار ءقاۋىپتى ايماقتان شىعارىلدى.
70 جاستاعى جەرگىلىكتى تۇرعىن تەمىر زاتتى بايقاپ، ول سىرتقى ءپىشىنى بويىنشا سناريادقا ۇقساس بولعاندىقتان، دەرەۋ "102" ارناسىنا حابارلاسقان. زەرتتەۋ ناتيجەسىندە تابىلعان زاتتىڭ ءقاۋىپ توندىرمەيتىنى انىقتالدى. بۇل پايدالانىلعان كاسسەتالىق مينا بولىپ شىقتى. ول جارىلىس ءقاۋپىن تۋدىرمايدى، - دەپ حابارلادى اباي وبلىسىنىڭ پد باسپا ءسوز قىزمەتى.
تابىلعان زات "ۆوستوك" وڭىرلىك بولىمشەسىنە تاپسىرىلدى. ازاماتتاردىڭ ءومىرى مەن دەنساۋلىعىنا ەشقانداي ءقاۋىپ جوق.
