تۇركىستاندا جۇرتتىڭ جات اعىمنىڭ جەتەگىندە كەتۋىن الدىن الۋ ماقساتىنداعى ءتۇسىندىرۋ جۇمىستارى قارقىندى جالعاسىپ جاتىر، - دەپ حابارلايدى bairaqmedia.kz
بۇل جولى ماماندار مانساپ ورتالىعىنا تابان تىرەدى. وندا دەسترۋكتيۆتى ءدىني اعىمداردىڭ قوعام تۇتاستىعىنا كەرى اسەرى تاقىرىبىندا كەزدەسۋ ۇيىمداستىرىلدى.
كەزدەسۋگە تۇركىستان قالاسى اكىمدىگى ىشكى ساياسات ءبولىمىنىڭ ءدىن سۇراقتارى بويىنشا سەكتور مەڭگەرۋشىسى ە.قىدىرباي جانە قالالىق ىشكى ساياسات ءبولىمىنىڭ تەولوگ مامانى ب.نۋريددينوۆ قاتىستى.
تەولوگ مامان جات اعىمداردىڭ شىعۋ تاريحىن، ولاردىڭ بەلگىلەرىن، ءداستۇرلى باعىتتان ايىرماشىلىعىن جانە كەلەشەكتە قوعامعا تيگىزەر قاۋىپتىلىگى تۋرالى تولىققاندى اقپارات بەردى. مامانداردىڭ ايتۋىنشا، الەۋمەتتىك جەلىلەردەگى كەز-كەلگەن ۋاعىزداردى تىڭداۋدان ساقتانۋ كەرەك.
كەز-كەلگەن ءدىني سۇراقتىڭ جاۋابىن قالالىق اكىشىلىكتە جۇمىس ىستەيتىن تەولوگ مامانداردان، مەشىت يمامدارىنان، ءدىن قىزمەتكەرلەرىنەن نەمەسە قازاقستان مۇسىلماندارى ءدىني باسقارماسىنىڭ ۇستازادارىنان سۇراۋ قاجەت ەكەنىن اتاپ ءوتتى.
ادەتتەگىدەي كەزدەسۋ سوڭىندا سۇراقتار قويىلىپ، تەولوگ مامان تاراپىنان تولىققاندى جاۋاپتار بەرىلدى.
