ەكونوميكالىق جانە سىبايلاس جەمقورلىق قىلمىستارىمەن كۇرەس اگەنتتىگىنىڭ بۇرىنعى ءتوراعاسى قايرات قوجامجاروۆقا قاتىستى سوتالدى تەرگەۋ باستالدى، دەپ حابارلايدى bairaqmedia.kz.
باس پروكۋراتۋرا تاراتقان مالىمەتكە سايكەس، "تەرگەۋ ونىڭ ءتۇرلى باسشىلىق قىزمەت اتقارعان كەزەڭدەرىندە لاۋازىمدىق وكىلەتتىگىن اسىرا پايدالانۋ جانە قىلمىستىق جولمەن الىنعان قاراجاتتى زاڭداستىرۋ دەرەگى بويىنشا باستالدى".
"بارلىق قىلمىستىق ءىس بويىنشا ارنايى پروكۋرورلاردىڭ باسشىلىعىمەن جەدەل-تەرگەۋ توپتارى قۇرىلدى. قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتىلمەيدى"، – دەپ مالىمدەدى باس پروكۋراتۋرا.
قايرات قوجامجاروۆ – بۇرىنعى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءتوراعاسى، قازاقستاننىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىن باسقارعان. قارجى پوليسياسىنىڭ گەنەرال-مايورى. ءار جىلدارى اقمولا وبلىسىنىڭ اكىمى، قازاقستان رەسپۋبليكاسى قاۋىپسىزدىك كەڭەسىنىڭ حاتشىسى قىزمەتتەرىن اتقارعان
