الماتى وبلىسى تالعار اۋدانى قىزىل قايرات اۋىلىندا ەر ادامدى ءولتىرىپ، كىشكەنتاي قىزدى ۇرلاپ كەتتى، دەپ حابارلايدى bairaqmedia.kz.
ەر ادامدى ءولتىرۋ جانە كامەلەتكە تولماعان بالانى ۇرلاۋ فاكتىسى بويىنشا پوليسيا قىلمىستىق ءىس قوزعادى.
"تەرگەۋ مالىمەتتەرى بويىنشا، كۇدىكتى مەن جابىرلەنۋشى بۇرىن جاقىن قارىم-قاتىناستا بولعان. ولاردىڭ اراسىندا جانجال تۋىنداپ، كۇدىكتى جابىرلەنۋشىنىڭ اعاسىنا وق اتقان. وق تيگەن ادام قايتىس بولدى"، - دەيدى ۆەدومستۆو.
قىلمىس جاسالعاننان كەيىن كۇدىكتى كىشكەنتاي بالانى ۇرلاپ، قاشىپ كەتكەن.
"كۇدىكتىنىڭ كىم ەكەنى جانە ونىڭ ورنالاسقان جەرى انىقتالدى. ونى ۇستاۋ بويىنشا شارالار قابىلدانۋدا"، - دەيدى پوليسيا.
ءقازىر تەرگەۋ ءجۇرىپ جاتىر
ارتىنشا پوليسيا كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىنعانىن حابارلادى.
ۇرلانعان بالا تابىلدى، ونىڭ ءومىرى مەن دەنساۋلىعىنا ەشقانداي ءقاۋىپ جوق، دەيدى پوليسياداعىلار.
وقيعانىڭ ءمان-جايى انىقتالىپ جاتىر.
