قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ «Harvest Group» كومپانياسى ديرەكتورلار كەڭەسىنىڭ ءتوراعاسى الماز السەنوۆپەن كەزدەسۋ وتكىزدى، دەپ حابارلايدى bairaqmedia.kz.

تاراپتار اگرو-يندۋستريالىق كلاستەردى قۇرۋ بارىسىن تالقىلادى. العاشقى كەزەڭدە ينۆەستيسيالىق جوبا جەتىسۋ مەن الماتى وبلىستارىن قامتىپ، 150 مىڭ گەكتار شالعايداعى جانە تىڭايعان جەرلەردى سۋارمالى اۋىل شارۋاشىلىعى القاپتارىنا اينالدىرۋدى كوزدەيدى. جالپى، جوبانى جۇزەگە اسىرۋ اياسىندا زاماناۋي سۋ ۇنەمدەۋ جۇيەلەرىن قولدانا وتىرىپ، 300 مىڭ گەكتار جەردى يگەرۋ جوسپارلانعان.

مينيستر جوبانى ودان ءارى ىلگەرىلەتۋدىڭ ماڭىزدىلىعىن اتاپ ءوتىپ، مەملەكەت تاراپىنان قولداۋ كورسەتۋگە دايىن ەكەنىن ءبىلدىردى.

سونداي-اق كومپانيانىڭ قازاقستاننىڭ ءبىرقاتار وڭىرلەرىندە تۋريزم جانە سپورت سالالارىندا ينۆەستيسيالىق جوبالاردى ىسكە اسىرۋ پەرسپەكتيۆالارى بەلگىلەندى.

ءسىم باسشىسى بۇل جوبالاردىڭ ىشكى جانە كىرمە تۋريزم ءۇشىن، سونىمەن قاتار ەكونوميكانى ءارتاراپتاندىرۋ ءۇشىن ءوسۋ مۇمكىندىگىنە اينالۋ الەۋەتى بار ەكەنىن باسا ايتتى.